Universiteti i Evropës Juglindore

Përmes këtij programi, studentët do të fitojnë aftësi të avancuara, dituri dhe kompetenca në fushën e komunikimit, me një theks të veçantë tek strategjitë e mediave.  Përgjithësisht, punësimet  që kanë të bëjnë me komunikimin janë në rritje dhe pritet që kjo të vazhdojë edhe në të ardhmen. Me programet që i ofron, UEJL-i mund të shndërrohet në qendër udhëheqëse në krijimin e kuadrit kompetent në fushën e strategjive të mediave në rajonin e Evropës Juglindore.  Programi përfshin aspekte profesionale dhe akademike, me mundësi të theksimit të njërit prej tyre, duke u mundësuar studentëve ta zgjedhin njërin prej tyre.

Kërkime shkencore, komunikim profesional, sjellje e vendimeve, zgjidhje e problemeve, konflikteve; etikë publike; mendim kritik – kompetenca për vlerësim kritik; dizajnim i mesazheve efektive të mediave, dizajnime dhe realizime të fushatave mediale dhe përkufizim i mënyrave për vlerësimin e tyre.

Njohuritë dhe të kuptuarit

• Krijon strategji për zhvillimin e komunikimit organizativ dhe, posaçërisht, i shpjegon dhe i klasifikon mjetet e komunikimit në zhvillimin dhe aplikimin e taktikave dhe të strategjive të komunikimit.
• Tregon shkallë të lartë të profesionalizmit dhe të aftësive  krijimin dhe analizimin e mendimit publik për segmente të rëndësishme në jetën politike, shoqërore, ekonomike dhe kulturore.

Aplikimi i njohurive dhe të kuptuarit

• Udhëheqin fushata të komunikimit dhe të strategjive të mediave me ndërmjetësim të mediave dhe në vetë mediat, në sektorët dhe drejtoritë e marrëdhënieve publike, në agjencitë e marketingut, të marrëdhënieve me publikun, në partitë politike dhe organet e pushtetit përmes shërbimeve të marrëdhënieve publike.  

• Të aftë të krijojnë plane mediale për probleme të caktuara të komunikimit.

  Hollësisht e organizojnë strukturën dhe përmbajtjen e strategjisë së komunikimit në segmentet e saj kryesore: informim, vetëdijesim dhe bindje.

Aftësitë për të vlerësuar

• Identifikojnë anët e mira dhe më të dobëta në menaxhimin e strategjive të caktuara të mediave.
• Vlerësojnë cilat janë strategjitë më të mira dhe më të qëlluara, që do të duhej të aplikoheshin në nivel global.
• U prijnë vlerësimeve e problemeve konkrete globale lidhur me komunikimin ndërkombëtar, të cilat u referohen planifikimit të komunikimit, menaxhmentit të proceseve, dhe kontrollit të menaxhmentit strategjik.

Aftësitë e komunikimit

• E përcaktojnë planifikimin kohor për emetimin e prodhimeve të ndryshme mediale: reklama, spote TV dhe radio spote, vendin e frekuencës dhe bilbordet, panotë e kështu me radhë. Të aftë të krijojnë skema programore, ta hulumtojne publikun dhe ta analizojnë tregun medial.

Aftësitë e të mësuarit

• Do të jenë të aftë t’i thellojnë dituritë teorike përmes problematizimit të situatave të ndryshme të komunikimit dhe formulimit të pyetjes hulumtuese.
• Do t’i përpilojnë pyetësorët si metodë shkencore, do ta bëjnë specializimin në lidhje me analizën e publikut.
• Mendim kritik dhe analizë e përmbajtjeve  të strategjive të mediave.
• Marrje e iniciativave për përgjegjësi në krijimin e politikave globale komunikuese në institucione.      

Semestri 1

• Metodologjia e hulumtimit (6.0 ECTS)
  Lënda fokusohet tek problemet e metodave cilësore dhe sasiore si dhe tek teknikat e punimit të tezës së magjistraturës, të strukturës dhe standardit të saj. Seleksionimi i materialit faktografik, analiza dhe interpretimi shkencor, paraqesin komponentë të rëndësishëm për t'i shpjeguar raportet shkak-pasojë.
• Mediat ndërkombëtare (6.0 ECTS)
  Marrja e diturisë për konceptin e fuqisë të mediave ndërkombëtare, roli i tyre shoqëror dhe dituria, tendencat dhe sfidat e zhvillimit të tyre, efektet e mediave, politika e mediave, standardet ndërkombëtare.
• Strategjitë mediale (6.0 ECTS)
  Njohuri me parimet kryesore, ligjet në krijimin e strategjive materiale, dallimet dhe ngjashmëritë ndërmjet mediave dhe gazetarisë, si dhe mënyrat dhe rregullat e drejtimeve për marrëdhënie të mira me mediat.
• Lëndë zgjedhore (6.0 ECTS)
  • Komunikimi publik i avancuar
    Kjo lëndë ofron dituri të avancuara rreth parimeve dhe formave të të folurit publik. Lënda fokusohet në praktikimin e të folurit publik dhe në kritikën e saj. Studenteve do t’u ofrohen disa mundësi për fjalime publike në klasë dhe të vendosen në pozitën e kritikuesve të efikasitetit të fjalimeve të të tjerëve.
  • Kritika mediale
    Qëllimi i lëndës është realizimi i teknikave dhe aftësive për analizimin e përmbajtjeve mediale sipas funksionit të mediave si dhe sipas mënyrës së kompozicionit dhe strukturës së produkteve mediale. Me këtë rast do të studiohen dhe do të zbatohen teknikat e të shkruarit të kritikës për kronika për radio dhe televizione, emisione konkrete dhe identifikimi i strategjive bashkëkohore për krijimin e faqeve të botuara me përmbajtje mediale të gazetave.
  • Teoria e avancuar e komunikimit
    Hyrje – Procesi konversiv – Teoria e anksiozitetit – Komunikimi joverbal si proces - Teoria e penetrimit social – Interaksioni i pjesëmarrësve në procesin komunikues
  • Bindja e avancuar
    Kjo lëndë i mëson studentët me teorinë, aplikimin dhe praktikimin e bindjes së avancuar dhe fokusohet tek vlerat e duhura për vendimet e komunikimit. Lënda fokusohet tek mjetet e bindjes dhe përgjegjësitë e publikut.
  • Komunikimi ndërmjetësues kompjuterik
    Qëllimi i këtij kursi është ta furnizojë studentin me kuptimin e më tepër mjeteve për zgjidhjen e problemeve që kanë të bëjnë me komunikimet në rrjete dhe i studion relacionet komplekse në mes të medias dhe shoqërisë, rolin e mediave masive dhe teknologjinë e ndërmjetësimit për komunikim masiv dhe global.
  • Intervistim i avancuar
    Lënda është e fokusuar në parimet dhe llojet e intervistave duke zbatuar parimet e informimit, konsultimit, vlerësimit dhe intervistës gjatë punësimit. Po ashtu do të mësohen: rezymetë, letrat e motivimit, aplikimet për punë, përshkrimet e vendeve të punës dhe format tjera të ngjashme. Përgatitja e udhëzuesve dhe protokolleve për lloje të ndryshme të intervistimit. Simulimi i intervistave, ndërrimi i roleve të pjesëmarrësve në procesin e komunikimit gjatë intervistimit. Hulumtimi, përgatitja, udhëheqja dhe vlerësimi i intervistave.
• Lëndë zgjedhore (6.0 ECTS)
  • Komunikimi publik i avancuar
    Kjo lëndë ofron dituri të avancuara rreth parimeve dhe formave të të folurit publik. Lënda fokusohet në praktikimin e të folurit publik dhe në kritikën e saj. Studenteve do t’u ofrohen disa mundësi për fjalime publike në klasë dhe të vendosen në pozitën e kritikuesve të efikasitetit të fjalimeve të të tjerëve.
  • Kritika mediale
    Qëllimi i lëndës është realizimi i teknikave dhe aftësive për analizimin e përmbajtjeve mediale sipas funksionit të mediave si dhe sipas mënyrës së kompozicionit dhe strukturës së produkteve mediale. Me këtë rast do të studiohen dhe do të zbatohen teknikat e të shkruarit të kritikës për kronika për radio dhe televizione, emisione konkrete dhe identifikimi i strategjive bashkëkohore për krijimin e faqeve të botuara me përmbajtje mediale të gazetave.
  • Teoria e avancuar e komunikimit
    Hyrje – Procesi konversiv – Teoria e anksiozitetit – Komunikimi joverbal si proces - Teoria e penetrimit social – Interaksioni i pjesëmarrësve në procesin komunikues
  • Bindja e avancuar
    Kjo lëndë i mëson studentët me teorinë, aplikimin dhe praktikimin e bindjes së avancuar dhe fokusohet tek vlerat e duhura për vendimet e komunikimit. Lënda fokusohet tek mjetet e bindjes dhe përgjegjësitë e publikut.
  • Komunikimi ndërmjetësues kompjuterik
    Qëllimi i këtij kursi është ta furnizojë studentin me kuptimin e më tepër mjeteve për zgjidhjen e problemeve që kanë të bëjnë me komunikimet në rrjete dhe i studion relacionet komplekse në mes të medias dhe shoqërisë, rolin e mediave masive dhe teknologjinë e ndërmjetësimit për komunikim masiv dhe global.
  • Intervistim i avancuar
    Lënda është e fokusuar në parimet dhe llojet e intervistave duke zbatuar parimet e informimit, konsultimit, vlerësimit dhe intervistës gjatë punësimit. Po ashtu do të mësohen: rezymetë, letrat e motivimit, aplikimet për punë, përshkrimet e vendeve të punës dhe format tjera të ngjashme. Përgatitja e udhëzuesve dhe protokolleve për lloje të ndryshme të intervistimit. Simulimi i intervistave, ndërrimi i roleve të pjesëmarrësve në procesin e komunikimit gjatë intervistimit. Hulumtimi, përgatitja, udhëheqja dhe vlerësimi i intervistave.

Semestri 2

• Punimi i magjistraturës (24.0 ECTS)
  Pas dhënies së provimeve, studenti mund të fillojë me procedurën e paraqitjes, hartimit dhe mbrojtjes publike të temës së magjistraturës. Studenti zgjedh mentorin, me udhëzimin e të cilit e përgatit aplikimin e tezës së magjistraturës. Aplikimi patjetër duhet të lejohet nga Këshilli mësimor shkencor i fakultetit. Pas punimit të versionit final të tezës së magjistraturës, Këshilli mësimor shkencor formon komision tre anëtarësh që përgatit raportin, me të cilin pranohet ose refuzohet teza e magjistraturës. Raporti pozitiv miratohet nga Këshilli mësimor shkencor dhe caktohet dita e mbrojtjes publike. Pas kryerjes me sukses të mbrojtjes studenti pajiset me diplomë – Magjistër i shkencave të komunikimit / Drejtimi: Strategjitë mediale.
• Lëndë zgjedhore e lirë (6.0 ECTS)
  • Komunikimi i aplikuar ndërkulturor
  • Trajnime për media
  • Kapituj të zgjedhur nga aplikacionet e TI për përpilimin e një punimi shkencor
    Qëllimi i kësaj lënde është: • T’u tregohen studentëve elementet teknike, struktura e tekstit dhe hartimi e një punimi shkencor. • T’u mundësohet të fitojnë njohuri dhe shkathtësi nga kapitujt e zgjedhur të aplikacioneve TI, të nevojshëm për përgatitjen e punimeve shkencore. • T’u mundësohet zbatimi praktik i këtyre objektivave, gjatë hartimit të punimeve individuale të studentit.
  • Aplikacione për përpunimin statistikor të të dhënave
    Qëllimi i kësaj lënde është: • T’u tregohen studentëve elementet teknike nga lëmi i statistikës: organizimi, përpunimi, zbatimi përmes analizave dhe publikimi i të dhënave. • T’u mundësohet studentëve të përfitojnë njohuri dhe shkathtësi të aplikacioneve për përpunimin statistikor të të dhënave. • Të aftësohen për zbatimin në praktikë të objektivave në përpunimin statistikor të të dhënave të marra nga pyetësorët, raportet, studimet shkencore dhe dokumentet tjera.