Ceremonia e dhënies së çmimeve në garën për ese më të mirë në Maqedoni

Ceremonia e dhënies së çmimeve në garën për ese më të mirë në Maqedoni, që organizohet për tre vite me radhë, në partneritet midis Qendrës së Gjuhëve të UEJL-së, Shoqatës Kombëtare të profesorëve të gjuhës angleze ( ELTAM ) dhe Korpusit të Paqes në Maqedoni, u mbajt të premten , me 3 prill, 2015 në Ambasadën e SHBA-së në Shkup . Besa Bytyqi , e cila e përfaqësoi Qendrën e Gjuhëve të UEJL, iu ndau fituesve shpërblime. Këtë vit, në tri kategori , konkurruan 139 nxënës nga shkollat ​​publike dhe private në Maqedoni me esetë e tyre në temën " "Cili është ndikimi dhe rëndësia e mediave sociale në jetën tonë sot?" Ambasadori i SHBA – së, Shkëlqesia e Tij, zotëri Xhes Bejli , si mikpritës i ceremonisë , shprehu kënaqësinë për garën në nivel shtetëror dhe falënderoi Universitetin e Evropës Juglindore për mbështetjen dhe kontributin në promovimin e mësimit të gjuhës angleze në vend dhe pjesëmarrjen në evenimente të këtilla.