Explore Campus 360°Ueb-faqja e UEJL - e dyta për nga popullariteti në Maqedoni
19 tetor 2009
Ueb-faqja e Universitetit të Evropës Juglindore, në Tetovë, është renditur e dyta në listën ueb-faqeve më të vizituara të universiteteve në Maqedoni. E para, në këtë listë, gjendet ueb-faqja e Universitetit të Shkupit, kurse Universiteti Shtetëror i Tetovës gjendet në vendin e katërt. Ndërkaq, në nivel botëror, UEJL, pas vetes i ka lënë të gjitha universitet në Maqedoni. Kështu, në bazë të kësaj renditjeje, para UEJL gjendet vetëm Universiteti shtetëror “Shën Kirili dhe Metodi”, kurse pas UEJL, gjenden Universiteti i Manastirit, Universiteti Shtetëror i Tetovës, Universiteti i Shtipit etj.
Lista është publikuar nga http://www.4icu.org, e cila e ka bërë renditjen në bazë të vizitueshmërisë së ueb-faqeve të universiteteve, kurse si kritere bazë i ka marrë të dhënat nga kërkuesit më të popullarizuar në internet Google Page Rank, Yahoo Inbound Links, Alexa Traffic Rank.
Kjo ueb-faqe me publikimin e renditjes, sipas popullaritetit të ueb-faqeve të universiteteve, ka për qëllim që t’u mundësojë studentëve nga vende të ndryshme të botës që të kuptojnë se sa të popullarizuar janë universitetet në vendet e tyre dhe në nivel ndërkombëtar.
Më shumë lajme
- Një program masteri, dy universitete, më shumë mundësi: UEJL prezanton programin e ri të Shkencave Kompjuterike
- Universiteti i Evropës Juglindore në Konferencën e Procesit të Berlinit në Podgoricë
- Delegacioni i UEJL-së merr pjesë në Forumin e EUA-së për Financimin e Universiteteve 2026 në Brno të Çekisë
- UEJL-ja mirëpret delegacionin e Universitetit të Warmia-s dhe Mazury-t për forcimin e bashkëpunimit në kuadër të ChallengeEU dhe shkëmbimit akademik
- UEJL forcon rolin në Aleancën Evropiane - ChallengeEU
- Banka Botërore prezanton raportin vjetor dhe diskuton me komunitetin akademik të UEJL-së
- Aleanca Franceze në Tetovë shënon 25-vjetorin në UEJL