Profesorët е Fakultetit të Administrimit Publik dhe Shkencave Politike të UEJL botuan Fjalorin shumëdimensional të termave dhe shprehjeve administrative, politike, sociale dhe të diplomacisë

Fjalori ka 300 faqe në formatin 24cm, me sqarime të termave nga fushat e sipërmendura. Kështu, tani e tutje me lehtësi, në një vend, lexuesit do të mund t’i gjejnë definicionet e qarta të termave dhe shprehjeve administrative, politike, sociale dhe të diplomacisë. Në fjalor janë të përfshirë të gjithë termat e rëndësishëm dhe çdo term është sqaruar deri në detajet më të hollësishme.

      Për më tepër, ky fjalor më shumë mund të konsiderohet si një doracak praktik i cili do të ndihmojë në  gjetjen e shpejtë të fjalëve të zakonshme, emërtimeve dhe nocioneve, të cilat hasen dhe përdoren shpesh në jetën e përditshme për profesionet përkatëse.

      Autorët e fjalorit Doc. dr. Abdulla Azizi, Prof. dr. Etem Aziri dhe Doc.dr. Zemri Elezi, duke e ndarë atë në katër kaptina të  lidhura ngushtë njëra me tjetrën, kanë bërë zbërthimin e kuptimeve të fjalëve dhe shpjegimin e tyre në mënyrë tepër të thukët, por njëkohësisht ata kanë shfrytëzuar edhe të gjitha vlerat, arritjet dhe përvojën e derisotshme, si diçka të domosdoshme për ushtrimin e veprimtarive të tyre nga ana e administratorëve, politikanëve, punonjësve socialë dhe diplomatëve.