Rektori, Alajdin Abazi, vizitoi Universitetin “Pavarësia” në Vlorë

Kryetari i Universitetit “Pavarësia”, Ardian Zykaj, e ka vlerësuar si tejet të rëndësishëm UEJL-në për hapësirën universitare ballkanike. “Universiteti i Evropës Juglindore në Maqedoni, është model i padiskutuar suksesi”, ka thënë ai. Rektori i UEJL, Akademik Abazi, përveç prezantimit të Universitetit të UEJL dhe të projektit madhështor të kampusit në Shkup, që e bën UEJL-në një nga universitetet më të rëndësishëm në Ballkan, jo vetëm për nga shtrirja, por edhe për nga cilësia që ai bart sot në vete, me një Lektorium Magistralis para një auditori te gjerë j studentë dhe intelektualë vlonjate, në Aula Magna të Universitetit “Pavarësia”, me temë “Globalizimi, ndërkombëtarizimi dhe regjionalizimi - Trendet e arsimit të lartë, me theks Universiteti i Evropës Juglindore”. Një interesim i jashtëzakonshëm mediatik e ka shoqëruar vizitën e Akademikut Abazi në Universitetin “Pavarësia”. Media vizive dhe ajo e shkuar i kanë dhënë një vend qendror këtij aktiviteti jo vetëm për faktin qe Prof. Abazi është rektor i një nga universiteteve me të rëndësishëm të Maqedonisë, por edhe për faktin që ai përfaqëson një nga dy akademiket shqiptarë, që janë përfshirë në grupin e shkrimit të Enciklopedisë së re të Republikës së Maqedonisë. Krahas pasqyrimit të vizitës së bërë në Universitetin “Pavarësia”, televizionet si: Vlora Channel, TV Amantia, Vlora 6+1 e Fokus TV, intervistuan ekskluzivisht Akademik Abazin, TV Vlora Channel, e transmetoi të plotë lektoriumin e tij.

 Foto te tjera