Explore Campus 360°
Një ndër universitetet kryesore në këtë aleancë është Universiteti i Evropës Juglindore. Me këtë rast, Rektori Akad. Prof. Dr. Abdylmenaf Bexheti theksoi:
"Konteksti rajonal është koncept i veçantë dhe vendet me përmasa të vogla gjeografike mund të kenë ndikim dhe bashkëpunim përtej kufijve të tyre. Aktualisht, rreth 10-15% e studentëve vijnë nga vendet e Ballkanit Perëndimor. Ndryshimet po ndodhin me ritme të shpejta edhe në rajonin tonë, por ekziston një hendek i theksuar midis njohurive teorike që mësohen dhe aftësive praktike që zbatohen në realitet."
Aleanca ChallengeEU përfshinë universitete nga Gjermania, Maqedonia e Veriut, Franca, Suedia, Portugalia, Polonia, Letonia, Spanja dhe Zvicra. Universitetet partnere do të krijojnë një kampus të përbashkët evropian për shkëmbim njohurish dhe zhvillim akademik.
Përmes kësaj aleance do të transformohet modeli tradicional i universiteteve, duke integruar një qasje inovative në mësimdhënie, kërkim dhe trajnim profesional. Po ashtu, synohet krijimi i një kampusi ndëruniversitar, promovimi i arsimit gjithëpërfshirës dhe zhvillimi i një ekosistemi të përbashkët inovativ.
Me mbi 83,000 studentë dhe 9,000 staf akademik, ChallengeEU synon të lidhë universitetet me sektorin publik dhe privat, duke siguruar që arsimi i lartë të jetë gati për sfidat e së ardhmes.