Prof. Dr. Veland Ramadani merr pjesë në konferencën ndërkombëtare mbi ndryshimet demografike dhe tregun e punës në Tiranë

Në këtë ngjarje mori pjesë Pro-rektori për planifikim, hulumtim dhe ndërmarrësi, Prof. Dr. Veland Ramadani, i cili prezantoi dy punime shkencore: “Plotësimi i boshllëqeve të dijeve: Ndikimi i ndërmarrësve të kthyer në biznes, arsim dhe inovacion” dhe “Ndikimi i konkurrencës informale në strategjitë proaktive mjedisore në Ballkanin Perëndimor”. Qëllimi kryesor i konferencës ishte trajtimi shkencor i çështjeve që lidhen me ndryshimet demografike dhe dinamikën e tregut të punës, në kuadër të sfidave të zhvillimit të qëndrueshëm ekonomik në rajon. Konferenca shërbeu si një platformë e rëndësishme për shkëmbim idesh, përvoja dhe rezultate kërkimore mes profesorëve, studiuesve dhe ekspertëve ndërkombëtarë.