Albulena Halili merr pjesë në takimin vjetor të Institutit Alb-Shkenca

Albulena Halili mori pjesë në Takimin e Pestë vjetor ndërkombëtar të Institutit Alb-Shkenca, i cili u mbajt ne Tiranë, 02 - 05 shtator 2010. Ajo prezantoi punimin shkencor me titull “Evropa post-lisboniane: politika e jashtme e Bashkimit Evropian kundrejt Ballkanit Perëndimor”.  Abstrakti i këtij punimi shkencor është botuar në librin e abstrakteve të botuar nga Instituti Alb-shkenca 2010.
Në Konferencat shkencore në kuadër të Takimit V të IASH-së u paraqitën rreth 700 punime shkencore  me mbi 1000 autorë nga Shqipëria, Kosova, Maqedonia, SHBA, Gjermania, Austria, Franca, Belgjika, Spanja, Kina, Greqia, Italia, Kanadaja, Kuvajti, Holanda, Suedia, Zvicra dhe Turqia.
Instituti është një iniciativë private e shkencëtarëve dhe studiuesve nga Diaspora Shkencore Shqiptare e shpërndarë në gjithë botën, të cilët së bashku me shkencëtarët dhe studiuesit bashkëkombës, që punojnë e jetojnë në Shqipëri, Kosovë, Maqedoni, kontribuojnë tërësisht në mënyrë vullnetare në mbarëvajtjen e tij.