Rektori Prof. dr. Zamir Dika priti kryetarin e Komunës së Gostivarit, Prof. dr. Rufi Osmani

Në këtë takim miqësor, kryetari Osmani uroi profesorin Dika për zgjedhjen e tij në krye të UEJL, duke e vënë theksin në thellimin e bashkëpunimit ndërmjet komunës dhe universitetit. Ai, me këtë rast tha se do të angazhohet për realizmin e projekteve me interes të përbashkët. Ndërkaq, rektori Dika, e njohu Osmanin lidhur me rrjedhën e deritanishme në universitet dhe objektivat e zhvillimit të mëtutjeshëm. “Strategjitë lokale për zhvillimin e qëndrueshëm duhet të bazohen në projekte të zbatueshme të ndihmuara edhe nga ekspertë të fushave të ndryshme shkencore, me qëllim që të kontribuojnë në zhvillimin ekonomik, kulturor dhe mirëqenien sociale. Prandaj, për arritjen e këtij qëllimi do të jetë i domosdoshëm edhe bashkëpunimi”, theksoi ndërmjet tjerash rektori Dika.