“Reperkusionet e procesit të decentralizimit të komunave nëntë vite pas nënshkrimit të Marrëveshjes Kornizë të Ohrit“, ishte tema e konferencës, që u mbajt të martën (28 shtator 2010), në UEJL, në Tetovë, në organizim të Institutit për demokraci dhe zhvillim. Folës kryesorë në këtë konferencë ishin kryetarët e disa komunave të Maqedonisë, përfaqësues të Qeverisë, si dhe ekspertë të fushës së pushtetit lokal." /> “Reperkusionet e procesit të decentralizimit të komunave nëntë vite pas nënshkrimit të Marrëveshjes Kornizë të Ohrit“, ishte tema e konferencës, që u mbajt të martën (28 shtator 2010), në UEJL, në Tetovë, në organizim të Institutit për demokraci dhe zhvillim. Folës kryesorë në këtë konferencë ishin kryetarët e disa komunave të Maqedonisë, përfaqësues të Qeverisë, si dhe ekspertë të fushës së pushtetit lokal.">

Login

Anëtarët e stafit duhet të përdorin llogarinë e tyre Webmail për identifikim.

Universiteti i Evropës Juglindore
jetëso dijen tënde!



Debat për decentralizimin në UEJL

“Reperkusionet e procesit të decentralizimit të komunave nëntë vite pas nënshkrimit të Marrëveshjes Kornizë të Ohrit“, ishte tema e konferencës, që u mbajt të martën (28 shtator 2010), në UEJL, në Tetovë, në organizim të Institutit për demokraci dhe zhvillim. Folës kryesorë në këtë konferencë ishin kryetarët e disa komunave të Maqedonisë, përfaqësues të Qeverisë, si dhe ekspertë të fushës së pushtetit lokal.

“Procesi i decentralizimit është një nga shtyllat kryesore të Marrëveshjes së Ohrit. Kontributi i qeverisë, i pushtetit lokal, OJQ-ve dhe sektorit civil është shumë i rëndësishëm në këtë proces”, vlerësoi zëvendëskryeministri i Maqedonisë, Abdylaqim Ademi.
Disa nga kryetarët e komunave në Maqedoni u shprehën se procesi i decentralizimit ka ngecje.
“Ne duhet ta themi hapur se të gjitha investimet kapitale në veprimtaritë dhe në institucionet lokale janë në kompetencë të qeverisë, që do të thotë se qeveria vendos për investimet në kanalizime, ujësjellës, në shkolla, në salla sportive, në rrugë etj. dhe në këtë rast komunat janë komplet në pozicion pasiv. Komunat nuk kanë asnjë kompetencë pronësie dhe menaxhimi në tokë, në pyje, në ujë, në kullota“, u shpreh kryetari i komunës së Gostivarit, Rufi Osmani.
Për problemet me të cilat ballafaqohet pushteti lokal folën edhe kryetarët e komunave: Kisella Vodë, Ohër, Zhelinë, Haraçinë, përfaqësuesi i komunës së Tetovës dhe ish-ministri i Vetëqeverisjes Lokale, Xhemali Saiti. Të pranishmit, theksuan nevojën e bashkëpunimit mes pushtetit lokal dhe atij qendror.
Instituti për demokraci dhe zhvillim vazhdimisht organizon konferenca të ndryshme, ku marrin pjesë emra të njohur të politikës.


Më shumë lajme

Google+