Explore Campus 360°Në UEJL mbaroi me sukses konferenca për konceptet dhe përparësitë e shumëgjuhësisë në Evropë 2
15 tetor 2010
Në ambientet e Universitetit të Evropës Juglindore në Tetovë, nga data 7 tetor deri më 9 tetor 2010 u mbajt Konferenca me temë “Konceptet dhe përparësitë e shumëgjuhësisë në Evropë 2”, si vazhdimësi e konferencës me të njëjtën temë që u mbajt në shtator 2009 organizuar nga Kolegji i Komunikimit dhe Biznesit në Budapest.
Kësaj radhe organizator ishte Fakulteti Gjuhëve, Kulturave dhe Komunikimit me koordinator prof. dr. Mustafa Ibrahimi në bashkëpunim me Grupin e Hulumtimit “Babylonian Evropë" të Universitetit të Amsterdamit me koordinator prof. dr. Laslo Marash.
Hapjen e Konferencës e bëri zëvendës rektori Pol Foster, dekani i FGJKK Vebi Bexheti dhe koordinatorët e dy universiteteve Mustafa Ibrahimi dhe Laslo Marash.
Gjatë dy ditëve u lexuan 35 kumtesa nga 14 shtete, edhe atë nga Holanda, Kroacia, Australia, Kosova, Kanadaja, Shqipëria, Norvegjia, Hungaria, Zvicra, Polonia, Turqia, Romania, Belgjika dhe Maqedonia.
Nga UEJL me kumtesat e veta u prezantuan: Vebi Bexheti, Mustafa Ibrahimi, Hamit Xhaferi, Zeqir Kadriu, Elena Andreevska, Gëzim dhe Brikena Xhaferi, Veronika Kareva/Daniella Ilievska dhe Shpresa Mustafai, Bllagojka dhe Natasha Zdravkovska dhe Florim Ajdini.
Konferenca me sukses i zhvilloi punimet në katër Seksionet shkencore: institucionet dhe organizatat shumëgjuhësore; shoqëritë multikulturore; mjetet për komunikimin transnacional dhe tema të tjera të ndryshme.
Pas mbarimit të kësaj Konference u vendos që Takimi i tretë i radhës mbi “Konceptet dhe përparësitë e shumëgjuhësisë në Evropë 3” të mbahen në Osijek të Kroacisë.
Më shumë lajme
- UEJL forcon bashkëpunimin me ZBW – Leibniz Information Centre for Economics
- Vizita e delegacionit të Western Carolina University (SHBA) në UEJL
- Fakulteti i Shkencave Teknike në UEJL hapi Ekspozitën XII të Projekteve Studentore në Arkitekturë dhe Dizajn
- Delegacioni i Universitetit Mid Sweden viziton UEJL-në: Diskutohen programe të përbashkëta studimi dhe mundësi të reja mobiliteti
- Biblioteka "Maks van der Shtul" në Simpoziumin Ndërkombëtar në Oslo
- Në UEJL u promovua projekti ndërkufitar “Green Schools Initiative”
- Delegacioni i Universitetit të Shkencave të Aplikuara dhe Arteve të Zvicrës Veriperëndimore (FHNW) e vizitoi UEJL-në