UEJL prezantoi projektin për cilësinë e jetesës në Universitetin e Shtipit dhe në atë të Manastirit

Profesorët e UEJL-së Ali Pajaziti, Mirjana Maleska, Agim Poshka dhe Hyrije Abazi më 21 dhe 22 tetor në Universitetin “Goce Dellçev” (Shtip) dhe “Shën Klimenti i Ohrit” (Manastir), ekspozuan të dhënat nga studimi i tretë “Analizat e përqendruara në mendimet e qytetarëve” (People Centred Analyses), i realizuar në bashkëpunim me UNDP-në, ku fokusi kryesor është cilësia e shërbimeve sociale, inkluzioni shoqëror dhe marrëdhëniet ndëretnike.
Hulumtimi në fjalë i realizuar në verën e vitit 2009 me 1000 qytetarë, me qëllim të përforcimit të kapaciteteve kombëtare për të analizuar dhe adresuar çështjet e cilësisë së jetesës, mirëqenies, pabarazisë dhe pjesëmarrjes së qytetarëve. Të dhënat e shpalosura nxitën debate me studentët dhe stafin e këtyre dy institucioneve të arsimit të lartë, qasje dialoguese dhe intelektuale për probleme që prekin aktualitetin dhe ardhmërinë e çdo qytetari të kësaj shoqërie.