Ambasadori Mbretërisë së Bashkuar vizitoi UEJL

Ambasadori i sapoemëruar i Mbretërisë së Bashkuar në Republikën e Maqedonisë, Z. Charles Garrett, të premten (12 shtator 2014), vizitoi për herë të parë Universitetin e Evropës Juglindore në Tetovë. Ai u prit nga Presidenti i Bordit të Universitetit (Prof. Dr. Dennis Farrington), Provosti (Prof. Dr. Andrew Goodspeed), Sekretari i përgjithshëm (z. Xhevair Memedi) dhe Këshilltari Ekzekutiv për performancën dhe cilësinë (znj. Heather Henshaw). Pas një diskutimi për historinë dhe misionin e vazhdueshëm të UEJL-së dhe mënyrën se si Universiteti mund të krijojë lidhje më të ngushta me universitetet në Britaninë e Madhe. Ambasadori bëri një shëtitje në kampusin e UEJL-së ku vizitoi ndërtesën e qëndrueshme energjetike, impiantin fotovoltaik, centralin e ri për ngrohje me biomasë dhe bibliotekën e universitetit.