UEJL hynë në fazën e digjitalizimit

Sipas rektorit të UEJL-së, Zamir Dika, pikësynimi i këtij Universiteti vazhdon edhe më tej të jetë nxjerrja e kuadrove cilësor dhe të gatshëm për tregun e punës që kërkohet në vend dhe jashtë tij. Risia e këtij viti tha Dika, do të jetë digjitalizimi i mënyrës së të nxënit të dijes dhe aplikimi i sistemit google classroom.

“Këtë vit kemi hapur konkurs për studentët e rinj për 16 programe deri diplomike, 30 programe të magjistraturës apo të ciklit të dyte sipas modeleve tre plus dy dhe katër plus një, dhe 12 programe në ciklin e tretë në kuadër të shkollës së doktoraturës.
Qëllimi i regjistrimeve për këtë vit është regjistrimi i 1300 studentëve në të tre ciklet dhe në fokus të kësaj ofertë akademike është cilësia dhe ndërkombëtarizimi i standardeve në këto projeksione që kemi ndarë ne. Fjala e re kyçe këtë vit apo risia, është digjitalizimi i përmbajtjeve. Pra, këtë vit akademik një fokus të veçantë në krijimin e përmbajtjeve interaktive duke përdorur sistemet e informacionit në mënyrë dinamike për nxënien e dijeve shkathtësive dhe kompetencave”, deklaroi Zamir Dika, rektor i UEJL-së.