U mbajt seminari ndërkombëtarë për cilësinë në arsimin e lartë

Rektori i Universitetit të Evropës Juglindore, Zamir Dika, tha se seminaret e kësaj natyre ofrojnë praktikat e ndryshme lidhur me përvojat e ndryshme të zbatimit të cilësisë në Universitete.

“U njoftuam me standardet më të reja që universitetet duhet t’i plotësojnë në kuadër të Kornizës Evropiane të Cilësisë. Universiteti ynë është i përkushtuar në këtë drejtim dhe ky seminar dëshmon orientimin tonë drejt standardeve evropiane të cilësisë në arsim”, tha rektori Dika.

Drejtori i Regjistrit Evropian të Agjencive për Sigurimin e Cilësisë, Kolin Task, e theksoi rëndësinë e bashkërendimit të aktiviteteve për krijimin e kushteve sa më cilësore në arsim.

“Këtu vërejta vëmendje të posaçme të institucioneve dhje pajtim të tzre në vazhdimin e realizimit të procesit të cilësisë në arsimin e lartë”, tha Task.

Seminari u organizua nga Zyra e cilësisë e UEJL-së. Në seminar morën pjesë përfaqësues të disa universiteteve nga Maqedonia, anëtarë të komisioneve të vetëvlerësimit, anëtarët e Bordit të akreditimit dhe vlerësimit, studentë dhe organizatat studentore, përfaqësues të punëdhënësve, këshilltarët ndërkombëtarë dhe staf akademik e administrativ.