COVID-19 Information and Protocol

Login

Anëtarët e stafit duhet të përdorin llogarinë e tyre Webmail për identifikim.

Universiteti i Evropës Juglindore
jetëso dijen tënde!



Raporti i vetëvlerësimit të UEJL-së u prezantua para institucioneve relevante vendore dhe diplomatike

Në kuadër të parimit të transparencës dhe llogaridhënies, si pjesë e veprimit strategjik të UEJL-së, sot (24. 11. 2020), u mbajt prezantim online i Raportit të vetëvlerësimit të Universitetit të Evropës Juglindore para bashkëpunëtorëve të institucioneve të ndryshme të vendit dhe një pjese të trupit diplomatik.

Të pranishëm në këtë prezantim online ishin: ministrja e Arsimit Mila Carovska, ambasadori holandez Sh.T. Dirk Jan Kop, përfaqësues nga zyra e USAID në Shkup, Edward Gonzales dhe Dawn Carmin dhe përfaqësuesi nga Ambasada Amerikane, Gazmend Ilazi.

Fjalën kryesore në këtë takim e mbajti Rektori Akad. Prof. Dr. Abdylmenaf Bexheti, i cili foli për rëndësinë e këtij prezantimi dhe synimin e UEJL-së për të qenë transparent dhe llogaridhënës në të gjitha proceset që zhvillohen në Universitet.

Raportin e prezantoi këshilltarja për cilësi, Prof. Dr. Veronika Kareva. Ngjarjen e moderoi prorektorja për Bashkëpunim Ndërkombëtar dhe Hulumtime, Prof. Dr. Besa Arifi.



Më shumë lajme

Google+