Беше презентиран Извештајот за само-евалуација пред релевантните локални и дипломатски институции

На оваа презентација беа присутни : министерката за образование г-ѓа Мила Царовска, холандскиот амбасадор Н.Е. Дирк Јан Коп, претставниците на мисијата на УСАИД во Скопје Едвард Гонзалес и Даун Кармин и претставникот од Американската амбасада г. Газменд Илази.

Главно обраќање на оваа средба одржа ректорот акад. проф.д-р Абдулменаф Беџети, кој зборуваше за важноста на оваа презентација и целта на УЈИЕ да биде транспарентен и отчетен во сите процеси што се случуваат на Универзитетот.

Извештајот беше презентиран од советникот за квалитет, проф. д-р Вероника Карева. Настанот беше модериран од Проректорката за меѓународна соработка и истражување, проф. д-р Беса Арифи.