COVID-19 Information and Protocol

Login

Anëtarët e stafit duhet të përdorin llogarinë e tyre Webmail për identifikim.

Universiteti i Evropës Juglindore
jetëso dijen tënde!

Rektori Bexheti prezantoi modelin unik funksional të UEJL-it në konferencën ndërkombëtare për arsimin e lartë në Kosovë

Rektori i Universitetit të Evropës Juglindore, Akad. Prof. Dr. Abdylmenaf Bexheti, të enjten (13 tetor 2022), në Prishtinë, mori pjesë në Konferencën e Dyte Vjetore për Arsimin e Lartë në Kosovë.

Tema e konferencës ishte “Përgjigje praktike ndaj debateve për mbikëqyrjen dhe vlerësimin e zbatimit të strategjive të universiteteve”. Rektori Bexheti prezantoi në sesionin me temë: “Dizajni dhe miratimi i Strategjive të Universiteteve, si dhe instrumentet për monitorimin e përmbushjes dhe realizimit të tyre”.

“Përvojat specifike dhe unike të UEJL-it, padyshim ishin mjaftë atraktive edhe për universitetet rajonale. Nga të gjitha prezantimet e universiteteve të tjera evropiane, UEJL pothuajse fare nuk dallon në aspekt të zhvillimit strategjik, institucional dhe funksional”, thotë Rektori Bexheti, i cili në këtë konferencë ishte panelist dhe prezantues.

Qëllimi i Konferencës ishte zhvillimi i strategjik i institucioneve të arsimit të lartë në Kosovë, kurse UEJL ishte zgjedhur si i vetmi universitet nga Maqedonia e Veriut për të ndarë përvojat dhe modelin e vet organizativ e funksional. Në këtë konferencë merrnin pjesë universitete nga Austria, Holanda dhe vende të tjera.

Konferenca u organizua nga HERAS (High Education and Research Applicative Science +) dhe financohej nga Agjencia për Zhvillim e Austrisë.

Google+