UEJL pjesë e shënimit të 17 Shkurtit të organizuar nga Ambasada e Republikës së Kosovës në Shkup

Delegacioni i UEJL-së u prit nga Ambasadori i Republikës së Kosovës në Shkup, Sh.T. Florian Qehaja. Gjatë takimit, të dy palët uruan përzemërsisht 17 Shkurtin – Ditën e Pavarësisë së Kosovës, duke theksuar rëndësinë e kësaj date historike për shtetin dhe qytetarët e saj.

Në një atmosferë miqësore dhe vëllazërore, bashkëbiseduesit shprehën gatishmërinë për thellimin e bashkëpunimit ndërmjet Universitetit të Evropës Juglindore dhe institucioneve përkatëse në Kosovë, në të gjitha fushat me interes të ndërsjellë – veçanërisht në arsimin e lartë, hulumtimin shkencor, mobilitetin akademik dhe projektet e përbashkëta ndërkombëtare.

Në këtë pritje morën pjesë përfaqësues të institucioneve shtetërore, të trupit diplomatik, universiteteve dhe organizatave të ndryshme, duke theksuar rëndësinë e bashkëpunimit dhe lidhjeve të qëndrueshme ndërmjet vendeve të rajonit.