UEJL vazhdon me standardet ndërkombëtare – ripërtërinë certifikimin me standardin prestigjioz ndërkombëtar ISO 9001:2015 nga TÜV NORD

Kjo certifikatë konfirmon se UEJL përmbush standardet më të larta ndërkombëtare në sistemin e menaxhimit të cilësisë, duke garantuar që të gjitha proceset administrative dhe akademike zhvillohen në mënyrë të strukturuar, transparente dhe në funksion të përvojës sa më cilësore të studentëve.

Procesi i certifikimit ka përfshirë një vlerësim gjithëpërfshirës të funksionimit institucional, duke përfshirë procedurat e pranimit të studentëve, organizimin e mësimdhënies, shërbimet studentore dhe mekanizmat e përmirësimit të vazhdueshëm.

Rezultatet e këtij vlerësimi dëshmojnë përkushtimin e UEJL-së për të ofruar arsim të standardeve evropiane dhe për të ndërtuar një mjedis akademik modern dhe të besueshëm.