UEJL dhe MAPAS nënshkruajnë memorandum bashkëpunimi për avancimin e edukimit financiar dhe praktikës profesionale

Memorandumi u nënshkrua në hapësirat e UEJL-së nga Rektori i Universitetit, Prof. Dr. Sadudin Ibraimi, dhe Kryetari i Këshillit të Ekspertëve të MAPAS-it, z. Remzi Bajrami.

Në kuadër të memorandumit, parshihet organizimi i praktikës profesionale për studentët, promovimin dhe edukimin e studentëve, të punësuarve dhe publikut për shtyllën e dytë dhe të tretë të sistemit pensional.

Bashkëpunimi, gjithashtu, përfshinë mbështetje të ekspertëve dhe përfshirjen e stafit profesional në aktivitete mësimore dhe kërkimore, si dhe shkëmbimin e të dhënave, publikimeve dhe informacioneve relevante.

Përmes këtij partneriteti, UEJL dhe MAPAS synojnë të kontribuojnë në afrimin e arsimit të lartë me praktikën profesionale dhe në rritjen e ndërgjegjësimit për rëndësinë e edukimit financiar dhe të sistemit pensional.