Akademik Alajdin Abazi dhe prof. Dr. Ali Pajaziti morën pjesën në Kongresin Shkencor për Qytetërimin Islamik në Ballkan

Në këtë ngjarje të rëndësishme shkencore u zbërthyen 110 kumtesa nga më shumë se 120 shkencëtarë nga universitete dhe institute kërkimore të ndryshme të rajonit dhe Europës (Shqipëria, Kosova, Bullgaria, Bosnja, Serbia, Greqia, Hollanda, Turqia etj.). Kumtesa e profesorëve të UEJL titullohej “Multikulturalizmi, bashkëjetesa ndëretnike dhe arsimi sipëror: Shembulli i UEJL-së”, në të cilën, pos pjesës teorike, u prezantuan edhe të dhënat empirike nga një hulumtim lidhur me perceptimet-qëndrimet e një kampioni prej 80 të punësuarish në këtë institucion lidhur me shumëkulturësinë, kulturën e tjetrit, nevojën për të mësuar nga kultura e tjetrit, zakonet, traditat, vetërealizimin në UEJL, karrierën, imazhin e UEJL-së në opinion etj.