Programi:

Qeverisja dhe udhëheqja në sektorin publik (2021/2022)

Cikli i studimeve:	Cikli i dytë (Pasdiplomike)
Fakulteti:	Shkencat Shoqërore Bashkëkohore

Kodi i programit:	GMPS60
Viti akademik:	2022 / 2023
Titulli:	Magjistër në qeverisje dhe udhëheqja në sektorin publik
SETK:	60 (1 vit) Akreditimi
Vendimi:	Vendimi për fillim me punë

Programi studimor Qeverisje dhe udhëheqje në sektorin publik ka qasje multidisiplinare ndaj elementeve kryesore të studimit në fushën e qeverisjes dhe udhëheqjes publike, menaxhimin, drejtësinë dhe në fushën e shkencave socioekonomike. Në korniza të programit përshkruhen dhe identifikohen konceptet themelore, parimet e qeverisjes, proceset administrative dhe ligjore, teoritë në administratën publike siç janë ata që lidhen me sjelljen njerëzore dhe institucionale, procesi i politikave publike, ekonomia në sektorin publik dhe udhëheqja e sektorit publik.

Nëpërmjet të programit studimor studentët përgatiten për:

Qeverisje dhe udhëheqje në sistemet organizative në sektorin publik;
Zbatim të njohurive profesionale në përmbushjen e menaxhimit të procesit, burimeve njerëzore, buxheteve në institucionet e sektorit publik, sektori joqeveritar dhe në organizatat private;
Të zhvilluar mendim kritik për modelin burokrat dhe të inkurajojnë dhe ndërtojnë kapacitet për zbatim të parimeve të menaxhimit të ri publik në institucionet e sektorit publik;
Të zhvilluar kompetenca për të udhëhequr ciklin e projektit, me theks të veçantë në menaxhimin e bazuar në rezultate dhe zbatimin e parimeve të qeverisjes së mirë;
Të qenë në gjendje të zhvillojnë në mënyrë analitike rolin e shtetit dhe administratës publike në dekadat e fundit në Republikën e Maqedonisë Veriore dhe në shtetet në rajon;
Të njohur tendencat dhe veprimet bashkëkohore në vend në institucionet publike dhe në udhëheqjen publike në vendet në zhvillim dhe në vendet e zhvilluara;
Të qenë në gjendje të marrin iniciativë për të identifikuar dhe adresuar nevojat për mësim të institucioneve shtetërore dhe administratës publike;
Aftësi dhe kompetenca për planifikim strategjik, plane të veprimit, shkruarje të aplikimeve për projekt propozime, vlerësim të projekteve;
Kompetenca dhe aftësi për planifikim strategjik në sektorin publik.

Njohuritë dhe të kuptuarit

Ka njohuri dhe të kuptuar multidisiplinar të elementeve kryesore të studimit në fushën e administratës publike dhe qeverisjes, të drejtës, shkencave socio- ekonomike;

I përshkruan dhe identifikon konceptet themelore, parimet, proceset administrative dhe ligjore, teoritë në administratën publike siç janë ata të lidhura me sjelljen njerëzore dhe institucionale, procesi i politikave publike, ekonomia në sektorin publik dhe menaxhimi I organizatave publike dhe joqeveritare;

I kupton sistemet e ndryshme të administratës publike- administratën shtetërore, menaxhimin publik dhe ndërveprimin e institucioneve dhe proceseve politike, qeverisë dhe politikave administrative;

Ka njohuri për proceset e integrimit në Bashkimin Evropian nga administrata publike dhe shtetërore dhe aspektet institucionale.

Aplikimi i njohurive dhe të kuptuarit

Ti zbatojë njohuritë që kanë të bëjnë me punën e ndërlikuar të shtetit dhe administratën publike dhe të zbatojë rregulla dhe procedura të duhura;

Të punojë si nëpunës shtetëror dhe zyrtar administrativ në punët normative dhe administrative;

Të udhëheqë institucione nga sektori publik dhe joqeveritar;

Mund të demonstrojë aftësi për të përgatitur dokumente administrative, të ndihmojë në planifikimin dhe koordinimin e punës ndërinstitucionale, arkivimin, regjistrimin e lëndëve drejtuese përmes përdorimit të sistemit informacionit;

Zbatim të menaxhmentit publik financiar;

Shkrim të projekteve dhe vlerësim të projekteve në sektorin publik dhe joqeveritar;

Të zbatojë njohuri profesionale në përmbushjen e detyrave të punës në institucionet e shtetit dhe administratës publike, në organizatat private dhe sektorin civil.

Aftësitë për të vlerësuar

Ka aftësi të mendojë në mënyrë kritike dhe për t'u përfshirë në mënyrë active në çështjet aktuale politike në nivelet qendrore dhe lokale;

Analizë cilësore të procesit të projekteve publike;

Vlerësim të ndikimit të projekteve në shoqëri;

Vlerësim të projekteve në sektorin joqeveritar;

Dallon dukuritë e ndryshme që lidhen me kulturën politike të një komuniteti të caktuar;

Krahason në mënyrë kritike tendencat politike në shoqëri dhe vend dhe i vlerëson ato;

Ndikimi në proceset e integrimit evropian në vend.

Aftësitë e komunikimit

Është në gjendje të marrë pjesë në debat, ndërmjetësim dhe negociata duke siguruar një analizë të arsyetuar të ligjërimit politik;

Ka një aftësi koherente për të shkruar akte administrative, projekt propozime, analiza, raport konceptual;

Tregon aftësi për të komunikuar profesionalisht me më shumë njerëz në atmosferë ekipore dhe përmes një qasjeje gjithëpërfshirëse.

Aftësitë e të mësuarit

Mund të përcaktojë dhe vërtetojë rolin e politikës për një shoqëri të bazuar në dije;

Mund të marrë iniciativë për të identifikuar interesat e grupeve dhe institucioneve shtetërore brenda procesit të politikës publike;

Ka aftësi për të kryer të mësuarit gjatë gjithë jetës dhe vetë- edukimit në fushën e shkencës politike;

Është në gjendje të trajnojë qytetarët për institucionet e sektorit publik dhe për një shoqëri demokratike si dhe për sektorin joqeveritar.

Semestri 1

[MCDP1010] [6 SETK] Metodologjia e hulumtimit
Kjo lëndë është e dizajnuar për studentët të cilët përgatiten për punimin e tezës së magjistraturës. Qëllimet kryesore janë që studentëve t’u ofrohen mjete për konceptualizimin e tezës së tyre me qëllim të gjetjes së çështjes së hulumtimit si dhe njohjen e metodave për mbledhjen e të dhënave përmes analizës sasiore dhe cilësore. Lënda është e fokusuar tek problemet e metodave dhe teknikave sasiore, siç është analiza statistikore, tekste që janë të lidhura me teorinë dhe testimin e hipotezave. Më pastaj të rëndësishme janë, po ashtu, edhe temat për interferencë deskriptive dhe kauzale, longitudiale, studimet krahasimtare dhe studimet e rasteve. Qëllimi është analiza e të dhënave cilësore, vënia finale e të gjitha praktikave teorike dhe veprave në funksion të dizajnimit të shkrimit të temës.
[CM138] [6 SETK] Probleme bashkëkohore në politikat publike
Qëllimi i lëndës është të sqarojë teoritë e menaxhimit të sektorit publik me një fokus në teoritë klasike të burokracisë deri te teoritë bashkëkohore në kontekstin e administrates publike. Vëmendje e veçantë do t'I kushtohet organizimit, hierarkisë, autoritetit, koordinimit, centralizimit dhe decentralizimit, delegimit dhe mbikëqyrjes. Studentët do të jenë në gjendje të njohin aspektet themelore të menaxhimit publik si një fushë shkencore dhe si një profesion, duke qenë kështu në gjendje të analizojnë aktivitetet qeveritare nga një perspective ligjore, menaxheriale dhe politike.
[MCPA2020] [6 SETK] Menaxhmenti financiar publik
Qëllimi i lëndës është që studentëve t’ua prezantojë standardet dhe praktikat në punën financiare të grupeve organizative, metodat dhe shfrytëzimin e fondeve dhe teknikat tjera për administrimin dhe përgjegjësinë me punën financiare të OG-ve. Do të përfshihet këtu edhe vështrimi i analizave dhe aspekteve teknike në kontabilitet dhe interpretimi i raporteve financiare. Koncepti i shfrytëzimit efikas të burimeve paraqet bazën e parimeve dhe procedurave si dhe mundëson vendosje të kornizës racionale për alokim të burimeve. Lënda mundëson balancim përkatës në mes teorisë dhe praktikës, vështrim të të gjitha praktikave nga studime të ndryshme dhe është e dizajnuar në atë mënyrë që të zgjojë interesin e studentëve.
[CM137] [6 SETK] Planifikimi strategjik i avancuar
Kjo lëndë analizon mënyrën efektive dhe modelet bashkëkohore të planifikimit në administratën publike. Fokusi i kësaj lënde është në menaxhimin strategjik në sektorin publik ku do të analizojmë procesin e planifikimit strategjik, përcaktimin e misionit të organizatës, vlerësimin e mjedisit të brendshëm dhe të jashtëm të organizatës. Identifikojmë çështje strategjike dhe strategji në organizatë, si dhe mësojmë sit ë zbatojmë dhe vlerësojmë këto plane dhe strategji.
[6 SETK] Zgjedhore e përgjithshme
- [EM483] Evaluimi i politikave publike: modelet, teoritë dhe procedurat
  Pas përfundimit të lëndës: Do të mund të përshkruajë elementet kryesore dhe fazat e vlerësimit të politikave publike; Do të njihen me qëllimin, logjikën dhe kontekstin në të cilin kryhen vlerësimet e politikave publike; Do të mund të shpjegojë metodat bashkëkohore për vlerësimin e politikave publike; Do të fitojnë kompetencat për të analizuar në mënyrë kritike vlerësimet e politikave ekzistuese publike; Do të mund të hartojnë dhe zbatojnë vlerësim të një politike/ programi të caktuar publik si dhe të paraqesin gjetjet e së njëjtës.
- [EM484] Etika në administratën publike
  Qëllimet e planprogramit të lëndës janë që studenti: - të ketë njohuri dhe ta kuptojë semantikën dhe konceptet e moralit e të etikës, standardet e sjelljes, arsyetimin moral dhe filozofinë morale; - të zhvillojë qëndrim për pozitën e moralit në jetën profesionale; - të formojë qëndrime të qarta për të drejtat dhe detyrimet e të punësuarve në administratën publike dhe atë shtetërore; - të ketë aftësi për t’u ballafaquar me situata problematike etike; - ta ketë ndjenjën e karakterit të nevojshëm në profesionin e administratorit; - të njihet me literaturë për etikën në sferën a administrimit publik; - të ketë gatishmëri për të përdorur mjete të komunikimit dhe të respektojë standardet etike në punë në institucionet shtetërore dhe aktorëve publik.
- [MDP-04] Globalizimi
  - Studentët do të kenë një kuptim më të thellë rreth konceptit të globalizimit si fenomen i cili bashkon botën (Fridman). - Do të kenë vizion për veten dhe shoqërinë në kushte të globalizimit. - Do të aftësohen për të debatuar në mënyrë inteligjente rreth globalizimit në dimensione të ndryshme, ekonomike, politike, kulturore, sociale dhe të mjedisit. - Do të aftësohen për të identifikuar pasojat e globalizimit dhe refleksionet problematike (për shembull, antiglobalizimi). - Do të aftësohen për të krahasuar perspektiva të ndryshme të globalizimit dhe për ndikimin e globalizimit në rrafshin nacional, rajonal dhe ndërkombëtar. - Do të kenë mundësi për të zhvilluar studim të strukturuar në "prodhim" apo (epi) fenomen të globalizimit.
- [EM485] Cikli i menaxhimit të projekteve: lëndë e avancuar
  Me përfundimin e suksesshëm të lëndës, studentët do të jenë në gjendje: - Të planifikojnë aktivitetet e nevojshme për zbatimin e projektit, të identifikojnë ndërvarësitë e tyre, kohëzgjatjen si dhe kostot e tyre; - Të përgatisin raportet e nevojshme dhe të kryejnë të gjitha komunikimet e nevojshme ndërmjet projektit dhe klientit, si dhe në mes të anëtarëve të ekipit dhe të aktorëve të tjerë; - Të strukturojnë projektin dhe aktivitetet e tij përbërëse; - Të përgatisin një Gantt-tabelë dhe një plan të rrjetit për projektin dhe të identifikojnë kohën më të shkurtër të nevojshme për të përfunduar projektin; - Të përdorin MS Project si një mjet në procesin e planifikimit, zbatimit dhe rishikimit të projektit; - Të përcaktojnë projektin, të identifikojnë lëminë dhe objektivat e tij, si dhe të zhvillojnë specifikat e projektit;
- [MCPS1020] Psikologjia sociale
  Pas përfundimit të programit studentët: - mund të shpjegojnë modelet e psikologjisë sociale; - mund të anaëizojnë mënyrat e ndryshme të zbatimit të psikologjisë sociale; - mund të analizojnë se si lidhen modelet e psikologjisë sociale me perceptimin.
- [EM486] Organizatat ndërkombëtare: qeverisja dhe funksionet
  Në korniza të kësaj lënde janë përfshirë çështje teorike në lidhje me institucionet ndërkombëtare në nivelin universal dhe rajonal, zhvillimin historik, rolin, funksionet dhe komeptencat e tyre. Vëmendje e veçantë i kushtohet çështjes së rolit të tyre në zgjidhjen e çështjeve dhe problemeve kolektive në politikën globale. Fokusi është në rolin e tyre në fushat e paqes dhe sigurisë, zhvillimit ekonomik, të drejtave të njeriut, demokracisë dhe sundimit të ligjit. Fokusi është vënë në organet kryesore të krijuara brenda institucioneve, të ngarkuara me realizimin e qëllimeve të përcaktuara.
- [EM487] Teoritë dhe praktikat e qeverisjes ndërkombëtare
  Qëllimi i lëndës është që studentët të kenë një pasqyrë kritike të proceseve kryesore në sistemin e qeverisjes globale. Ai përqëndrohet në analizën e teorive themelore të qeverisjes globale. Studentët do të kenë mundësinë të shqyrtojnë në mënyrë kritike mençurinë tradicionale dhe të kuptojnë në mënyrë kritike qeverisjen globale- si në teori ashtu edhe në praktikë.
- [EM494] Politika e Evropës dhe Bashkimi evropian
  Kjo lëndë ka për qëllim që të njohë studentët me kompleksitetin dhe zhvillimin e Bashkimit Evropian, dhe me këtë edhe me zhvillimin e institucioneve (politikat dhe të drejtën), natyrën e tyre dhe veçoritë, legjislacionin dhe politikat. Njëkohësisht, qëllimi kryesor është njohja e studentëve me konceptet kryesore teorike dhe zhvillimin e Bashkimit Evropian, si dhe shqyrtimin e mundësive aktuale dhe sfidave të së ardhmes, me të cilat ballafaqohet Bashkimi Evropian, para së gjithash, në raport me institucionet e tij, me politikat dhe të drejtën.
- [EM488] E drejta kushtetuese - lëndë e avancuar
  Qëllimi i programit të lëndës e drejta kushtetuese është të aftësojë studentët të fitojnë njohuri të thelluara në fushën e së drejtës kushtetuese si një degë e së drejtës dhe si një disiplinë shkencore me aftësi specifike për zbatimin e kësaj njohurie në praktikë. Për të arritur këto qëllime, programi i lëndës do të trajtojë aspektet teorike të së drejtës kushtetuese dhe pastaj do të përqëndrohet në zbatimin e tyre praktik. Duke adoptuar njohuritë e kësaj lënde studimore, studentët do të jenë në gjendje të: - kuptojnë termin dhe përmbajtjen e së drejtës kushtetuese - kuptojnë burimet e së drejtës kushtetuese - bëjë dallimin midis së drejtës kushtetuese si degë e drejtësisë dhe të drejtës kushtetuese si disiplinë shkencore - kuptojë modelet e organizimit qeveritar dhe të jetë në gjendje të përcakotjë llojin e organizatës qeveritare në Republikën e Maqedonisë Veriore - kuptojë sfidat në regullimin dhe zbatimin e dispozitave kushtetuese për të drejtat e njeriut - aftësohet për analizën e normave kushtetuese në Republikën e Maqedonisë Veriore - fitojë njohuri të thelluara për sistemin kushtetues të Republikës së Maqedonisë Veriore, të analizojë në mënyrë analitike dhe kritike problemet kushtetuese- juridike që lindin në praktikë.
- [EM489] Udhëheqja në sektorin social
  Lënda do të trajtojë konceptet dhe mjetet që lidhen me menaxhimin e organizatave shoqërore, si dhe konceptin e ndikimit kolektiv. Lënda synon t'I ekspozojë studentët në një perspektivë të menaxhimit që është një alternativë ndaj qasjeve tradicionale për menaxhimin e organizatave shoqërore- një qasje e meaxhimit social bazuar në konceptin unik të rolit profesional.
- [MDCS1020] Shoqëria civile dhe politikat zhvillimore
  Lënda fokusohet në njohjen me teoritë e shfaqjes së shoqërisë civile, përcaktimin e hapësirës së zënë nga shoqëria civile, aktorët kryesorë, ndërveprimet me sektorë të tjerë në vend, rolin dhe strukturën e shoqërisë civile, mënyrat e punës, karakteristikat e shoqërisë qytetare në RMV dhe në rajon, strategjitë për qëndrueshmërinë e saj, si dhe mënyrat për të ndikuar në politikat dhe proceset demokratike. Në fushën e zhvillimit, kjo lëndë do të ofrojë një prezantim të koncepteve kryesore të zhvillimit, teorive dhe qasjeve, si dhe sfidat që paraqesin varfërimi dhe ngecja në zhvillim për ata që punojnë në agjencitë donatore, agjencitë shtetërore të zhvillmit, fondacione dhe institute hulumtuese.
- [EM490] Shkathtësi për menaxhimin e punëve në zyrë
  Studentët duhet të fitojnë njohuri themelore lidhur me organizimin dhe funksionimin efikas të punës në zyrë në organet shtetërore, ato vendore dhe institucionet e ndryshme dhe ndërmarrjet. Qëllimi i lëndës është që studentët të përgatiten në nivelin e duhur që të mund t’i realizojnë detyrimet në mënyrë efikase dhe me pëgjegjësi. Njohuritë e fituara nga kjo lëndë do t’u mundësojnë studentëve që më lehtë të kryejnë detyrat e punës në administratën publike.
- [EM491] Partitë politike, zgjedhjet dhe modelet zgjedhore
  Lënda u ofron studentëve njohuri të përgjithshme rreth lëvizjeve dhe ndryshimeve sociale. Bëhet fjalë për një objekt që kryen përpunimin e disa lëvizjeve themelore sociale, duke filluar me ato të cilat të gjithë ne përballemi si qytetarë dhe akademikë. Studentët do të pajisen me një literaturë të plotë nga autorë vendas dhe të huaj, të cilët do t'u mundësojnë atyre të zgjerojnë dhe zhvillojnë njohuritë e tyre në fushat e temave që janë subjekt i analizave. Qëllimet e kësaj lënde mund të theksohen si më poshtë: - të nisin dhe zhvillohen mendime kritike brenda grupit; - studentët do të jenë në gjendje të përdorin informacionin e fituar për t'i përdorur ato për dhënien e notave dhe ndërtimin e argumenteve; - zhvillimi i shkathtësive të komunikimit të studentët; - studentët kuptojnë se si po zhvillohen lëvizjet politike në vende të ndryshme anembanë botës dhe mbi këtë bazë krijojnë qëndrime kritike mbi lëvizjet politike në RMV; - studentët kuptojnë temat që përpunohen brenda shkencave politike; - studentët të jenë në gjendje të bëjnë dallimin midis demokracisë dhe sistemeve politike jodemokratike; - studentët fitojnë aftësitë e nevojshme analitike për të kuptuar dhe vlerësuar lëvizjet politike dhe fenomenet brenda dhe jashtë vendit; - studentët janë më të aftë të kuptojnë teknikat shkencore të punës me referencë të veçantë në metodën krahasuese, etj.
- [EM492] Ekonomia sociale dhe e punës
  Kjo lëndë fokusohet në ekonominë e tregut. Mbulon përcaktuesit e kërkesës dhe ofertës së tregut të punës, përcaktuesit e rrogës, dallimet në rroga mes grupeve, investimet në kapitalin njerëzor, punësimin dhe papunësimin. Qëllimi është të punohet me raste studimore të tregut të punës për vendet në tranzicion. Përmes ligjëratave dhe ushtrimeve studentët do të njoftohen me fushat kryesore të tregut të punës dhe nëpërmjet të kësaj lënde të sigurohet bazë për hulumtime origjinale në këtë fushë.
- [EM493] Problemet politike të integrimit në BE
  Qëllimi i lëndës është të thellojë njohuritë në lidhje me integrimin evropian si një problem politik. Ai largohet nga debati klasik mbi forcat shtytëse të integrimit evropian dhe deficitit demokratik të BE-së. Rasti adreson një numër polemikash kryesore në kërkimet e BE-së. Kjo lëndë përfshin tre tema kryesore: - Së pari, teoritë e integrimit evropian dhe qeverisjen mbikombëtare: Si mund të përshkruhet dhe shpjegohet integrimi evropian? Si përdoret integrimi për bashkëpunim të mëtejshëm ekonomik dhe politik dhe si funksionon BE-ja për të promovuar veten si një lojtar kryesor në skenën botërore? - Së dyti, problemet e demokracisë dhe legjitimitetit në BE: Sa demokratik dhe legjitim është në BE sistemi politik? A është e mundur dhe e dëshirueshme që të demokratizohet Be-ja? Çfarë zgjidhjesh të mundshme ka në dispozicion për të përmbushur sfidat aktuale të Komunitetit Ekonomik Evropian? - Së treti, si funksionon BE-ja si një sistem përfaqësues politik? Cilat kanale për përfaqësim dhe pjesëmarrje ekzistojnë në nivelin e BE-së? A ka ndonjë ndryshim midis BE-së dhe shteteve anëtare në këtë drejtim?

Semestri 2

[MCPA4010] [30 SETK] Punimi i magjistraturës
Ky modul u mundëson studentëve që të transferojnë aftësitë dhe njohuritë e tyre për kërkime dhe për të bërë detyrën më të ndërlikuar - punimin e magjistraturës. Moduli synon të jetë plotësisht praktik dhe studentët t’i fitojnë njohuritë e nevojshme, por edhe aftësitë dhe shkathtësitë që t'i qasen shkrimit të punimit. Moduli ka një rezultat kthyes - t'u mundësojë studentëve ta shkruajnë punimin e magjistraturës me vështirësi minimale dhe me një efikasitet maksimal. Lënda ka për qëllim përmirësimin e teknikave të hulumtimit dhe stilin e shkrimit të punimit, duke mbajtur llogari për ndalesën e shërbimit me mjete të palejuara, siç janë: plagjiatura dhe cenimi i të drejtave të autorit, që janë të ndaluara me Statutin e UEJL-së.

COVID-19 Information and Protocol

Shërbime online