Semestri 1

• [MCLM2010] [6 SETK] Metodologjia e hulumtimit
  Objektivat kryesore të lëndës janë që studentëve t’u ofrojë instrumente që kanë të bëjnë me përcaktimin e problemit studimor dhe me krijimin e metodave kërkimore të mbledhjes së të dhënave me studim dhe hulumtim në shkencat shoqërore. Seleksionimi i materialeve të mbledhura, analiza dhe interpretimi shkencor i tyre janë një komponent i rëndësishëm i shqyrtimit të relacioneve kauzale. Lënda është fokusuar në problemet e metodave dhe teknikave sasiore dhe cilësore të hulumtimit.
• [EMLM2010] [6 SETK] Psikologjia e arsimit
  Karakteristikat, lënda dhe detyrat e psikologjisë pedagogjike: - zhvillimi historik dhe disiplina; - lënda e disiplinës; - karakteristikat dhe detyrat e disiplinës; - metodat e psikologjisë pedagogjike; - llojet dhe teoritë e të mësuarit; - të mësuarit dhe transferi i të mësuarit; - motivimi dhe vlerësimi  i të mësuarit; - aspektet psikike-pedagogjike të të menduarit;   - aspektet psikologjike të mësimdhënies;
• [MCML1040] [6 SETK] Planifikimi strategjik
  - Planifikimi strategjik për zhvillimin e shkollës; - Misioni i shkollës; - Vizioni i shkollës; - Fushat e ndryshimit dhe të prioriteteve; - Qëllimet e shkollës; - Detyrat dhe aktivitetet; - Plani i evaluimit;
• [MCLM1030] [6 SETK] Hyrje në udhëheqjen e arsimit
  Lënda ka përmbajtje të pasur stilesh, cilësish dhe mundësish për menaxhimin e shkollës. Temat kryesore janë: - Stilet e të mësuarit - Cilësia në shkolla - Ekipet dhe puna ekipore - Menaxhimi i ndryshimeve në shkollë - Teoria e organizatës - Klima dhe kultura - Udhëheqja - Përcaktimi i takimeve shkollore
• [6 SETK] Lëndë zgjedhore
  • [MCLM2020] Teknologjia e informacionit dhe komunikimit në arsim (ТIКA)
    Qëllimi i lëndës është: - T’i paraqesë konceptet dhe teknologjitë më të avancuara në fushën e TIK. - Të tregohet aplikimi i tyre në procesin e mësimdhënies. - T’u mundësohet studentëve që të fitojnë njohuri dhe shkathtësi të avancuara në kapitujt e IT aplikacioneve. - Zbatimi praktik i këtyre objektivave në procesin mësimor në kuadër të përpilimit të projektit individual nga ana e studentit.
  • [ECLM1011] Hulumtimi në shkollë
    Në këtë lëndë studentët do të fitojnë njohuri dhe shkathtësi të avancuara shkencore, teorike dhe praktike, të cilat mund t’i zbatojnë në institucionet arsimore ku ata punojnë dhe jetojnë. Studentët do të inkurajohen të kryejnë punë kërkimore në fushën e shkencave arsimore me theks të veçantë në institucionet dhe në fenomenet arsimore dhe në punën kërkimore shkencore të studimeve të tyre në master.
  • [MFE01] Retorika
    Retorika, përgjatë historisë së vet prej mbi 2500 vjeçare, retorika shfrytëzohet për shënjimin e shumë gjërave, por sot me retorikë kuptojmë artin e bindjes nëpërmjet të gjuhës. Retorika shënon mënyrën në të cilën një individ ndërlidhet me një ide apo një ide me qëllim ta bindë tjetrin. Retorika karakterizohet me disa tipare kryesore dalluese. E përkufizon qendrën nga e cila, kjo lëmi, zbulohet. Retorika më së pari i përkufizon situatat e caktuara tipike të të folurit.
  • [MFE02] Multilingualizmi dhe multikulturalizmi
    Qëllimi i kësaj lënde është shqyrtimi i shumëgjuhësisë në shoqëritë multikulturore, si fenomen social. Ky fenomen është masiv në mbarë botën. Gjatë ligjëratave, në mënyrë më të thuktë, do të shqyrtohen termat: monokulturalizëm, shumëkulturalizëm, multikulturalizëm. Do të sqarohet nocioni i nacionalizmit linguistik, ku do të theksohet se të paktën ka dy forma të këtij nacionalizmi, ku njëra formë përplaset me tjetrën: për udhëheqësit e vendeve më të fuqishme nacionalizmi ka domethënien e zgjerimit, kurse për pakicat ai merr formën e rezistencës dhe të luftës për afirmimin e identitetit, përballë një presionit të tillë. Vend të shquar në program do të ketë edhe multikulturalizmi në arsim. Në shkollë për multikulturalizmin angazhohen për programe mësimore që përfshijnë përmbajtje që u përkasin kulturave të ndryshme.
  • [EM609] Komunikimi professional
    Lënda fokusohet në zhvillimin e atyre shkathtësive të komunikimit që janë thelbësore për funksionimin efektiv në botën profesionale. Studentët do ta mësojnë procesin e analizimit të një shumëllojshmërie situatash të komunikimit dhe t'u japin përgjigje adekuate po atyre. Ndër temat që do të përfshihen janë: komunikimi në organizata, komunikimi ndërpersonal dhe grupor, prezantimet gojore, intervistat për punësim, letrat profesionale të biznesit, si dhe shkathtësitë ndërpersonale, duke përfshirë dinamikën e grupit dhe punën ekipore.
  • [MFE08] Metodologjia e mësimdhënies
    Qëllimi i lëndës është t’i njoftojë studentët me qasjet themelore dhe metodat e mësimdhënies. Pritet që studentët të fitojnë njohuri dhe shkathtësi për përdorim të mjeteve për mësimdhënie aktive. Gjithashtu, lënda ofron qasje ndaj zhvillimit, mësimdhënies dhe të nxënit si koncepte, si dhe ndaj normave themelore të cilat mësimdhënësve do t’u mundësojnë të ligjërojnë mbi zhvillimin e mendimit. Përmes kësaj lënde, studentët do të përfitojnë bazë teorike dhe strategji, me çka do të mund ta zhvillojnë të menduarit e tyre kritik, si dhe të menduarit kritik të studentëve.
  • [MFE10] Filozofia e shkencave shoqërore
    Kjo lëndë përfshinë pajisjen e studentëve me informata që do t’u mundësojnë atyre përfitimin e diturive, shkathtësive dhe kompetencave në shkencat shoqërore, përfshirë metodologjinë e punës (sqarim, teoretizim, testim), aplikim të filozofisë (në veçanti individualizmi kundrejt kolektivizmit), natyra e racionalitetit, si dhe historia e teorive dhe koncepteve. Ky modul ofron studim të avancuar të debateve aktuale lidhur me ontodologjinë, metodologjinë dhe synimet e shkencave shoqërore. Lënda, do të përqendrohet në çështjet qendrore të shkencave shoqërore: etno-metodologjia, evolucioni, fenomenologjia, recionaliteti, relativizmi, metodat shkencore, interpretime tekstuale. Rezultat e të mësuarit: • Pas përfundimit të suksesshëm të lëndës, studentët do të jenë në gjendje: • Ta kuptojnë qëllimin e shkencave shoqërore si dhe dallimin në mes të të sqaruarit dhe të kuptuarit të sjelljes njerëzore. • T’i sqarojnë qasjet e ndryshme në shpjegimin e shkencave shoqërore në krahasim me shkencat shoqërore, specifikat e të qenit qenie njerëzore dhe fenomenet sociale. • T’i kuptojnë strukturat sociale, praktikat, normat institucionet etj. si dhe relacionet në mes individëve dhe strukturave më të gjera shoqërore. • Ta sqarojnë mbështetjen jo vetëm në fakte për individët dhe gjendjet e tyre mentale, por gjithashtu edhe rastet në të cilat fenomenet shoqërore nuk mundet të sqarohen përmes sjelljeve individuale.
  • [MFE11] Menaxhimi i projekteve
    Me përfundimin e suksesshëm të lëndës, studentët do të jenë në gjendje: - Të planifikojnë aktivitetet e nevojshme për zbatimin e projektit, të identifikojnë ndërvarësitë e tyre, kohëzgjatjen si dhe kostot e tyre; - Të përgatisin raportet e nevojshme dhe të kryejnë të gjitha komunikimet e nevojshme ndërmjet projektit dhe klientit, si dhe në mes të anëtarëve të ekipit dhe të aktorëve të tjerë; - Të strukturojnë projektin dhe aktivitetet e tij përbërëse; - Të përgatisin një Gantt-tabelë dhe një plan të rrjetit për projektin dhe të identifikojnë kohën më të shkurtër të nevojshme për të përfunduar projektin; - Të përdorin MS Project si një mjet në procesin e planifikimit, zbatimit dhe rishikimit të projektit; - Të përcaktojnë projektin, të identifikojnë lëminë dhe objektivat e tij, si dhe të zhvillojnë specifikat e projektit;
  • [EMIC-201] Komunikimi ndërkulturor
    Qëllimi i lëndës është që studentët: - të bëhen të vetëdijshëm për kulturën e tyre, por gjithashtu bëhen të vetëdijshëm për kulturat e tjera dhe dinamikat që shfaqen në procesin e ndërveprimit; - të kuptojnë se si proceset e komunikimit janë të ndryshme në kultura të ndryshme; - të njihen me fenomenin e stereotipeve dhe paragjykimeve, si dhe mënyrat e trajtimit të tyre dhe zvogëlimit të tyre; - të kuptojnë konceptin e "tjetrit" dhe nevojën për të zhvilluar një ndjenjë empatie me grupet e margjinalizuara; - të identifikojnë sfidat që dalin si rezultat i dallimeve në ndërveprimin ndërkulturor dhe të mësojë t’i përballojë ato në mënyrë krijuese ; - të kuptojnëi rolin kryesor që luan konteksti dhe mekanizmat e fuqisë në komunikimin ndërkulturor; - të fitojnë njohuri, aftësi dhe qëndrime që do të forcojnë kompetencën e tyre ndërkulturore.
  • [EM546] Komunikimi dhe arsimimi
    Procesi arsimor dhe komunikimi aktualisht nuk mund të bëhet pa përdorimin e formave moderne të teknologjisë së informacionit. Lënda Komunikimi dhe arsimi mbështetet kryesisht në kërkimin në shkencat shoqërore për të kuptuar, interpretuar dhe formësuar mënyrën se si informacioni, teknologjitë e komunikimit dhe mediat e reja ndikojnë në kulturën dhe arsimin, duke përfshirë fushat si shkrim -leximi, drejtësia sociale, zhvillimi i të rinjve dhe edukimi i mësimdhënësve. Kjo lëndë përdor një sërë metodash për të studiuar përmes mkë qsjeje të kryqëzuar komunikimin dhe të mësuarit. Në veçanti, theksi vendoset në çështjen se si arsimi dhe sistemet e tjera shoqërore ndryshojnë nën ndikimin e mediave të reja. Lënda inkurajon studentët të: -Reflektojnë mbi ndikimin historik, kulturor dhe shoqëror të një game të gjerë të mediave -Metodat dhe mënyrat përkatëse të kërkimit për të kuptuar më mirë sesi komunikimi dhe media përdorin praktikat e të mësuarit.
  • [EM547] Udhëheqja në arsim
    Qëllimi i lëndës: Kjo lëndë do të ofrojë mundësi për eksplorimin e lidershipit arsimor dhe zhvillimin e aftësive drejtuese përmes të menduarit kritik. Studentët do të fuqizohen për të zgjeruar dhe rimenduar të kuptuarit e tyre se si krijohet lidershipi dhe mënyrat se si mund të jetë e dobishme për palët e interesuara arsimore, përfshirë studentët dhe stafin. Do të diskutohen modelet e ndryshme të lidershipit arsimor dhe do të identifikohen sfidat dhe mundësitë që ofron lidershipi.

Semestri 2

• [MCLM4010] [30 SETK] Punimi i magjistraturës
  Qëllimi i modulit është që t’i aftësojë studentët të zhvillojnë shkathtësitë e tyre në fushën e hulumtimit, d.m.th. t’u ndihmojë atyre në përpilimin e tezës së magjistraturës. Moduli është përpiluar që të jetë sa më praktik dhe njëherësh studentëve t’u jepet mundësia të marrin pjesë në mënyrë aktive dhe të debatojnë lidhur me problemet që lidhen me shkrimin e hulumtimeve shkencore përkatësisht me tezën e magjistraturës. Një gjë e tillë do të kontribuojë në përmirësimin e teknikave hulumtuese dhe do të përparojë stilin e të shkruarit. Pra, studentëve u mundëson ta shkruajnë tezën e magjistraturës me vështirësi minimale dhe me efikasitet maksimal. Është planifikuar që të bëjë përmirësimin e teknikave kërkimore të studentëve dhe në stilin e tyre të shkrimit.