U mbajt turneu memorial në futboll të vogël i UEJL “Arbën Xhaferi”

“I brumosur me idetë iluministe evropiane, Arbën Xhaferi, u shqua me angazhimin e tij të pakursyer në lëvizjen politike e kulturore të kohës. Serioziteti dhe përkushtimi i Arbën Xhaferit u manifestuan në disa projekte konkrete, të cilat jo vetëm që i udhëhoqi, por i bëri model programatik të një filozofie kulturore e politike me taban human e kombëtar. Koha kur u themelua Universiteti i Evropës Juglindore rastis me një periudhë dramatike thyerjesh shoqërore e politike në Maqedoni. Arbën Xhaferi, i cili ka qenë një nga figurat më të rëndësishme dhe me ndikim politik në këtë kohë, u bë kështu edhe një kontribuues kryesor në themelimin e Universitetit të Evropës Juglindore. Këtu, nuk mund ta të pa e përmendur edhe rolin e faktorit ndërkombëtar, sidomos të BE dhe SHBA, pa ndihmën e të cilëve sot nuk do ta kishim këtë institucion të lartë arsimor”, tha ndërmjet tjerash, në emër të Rektorit të Universitetit të Evropës Juglindore Prof. dr. Zamir Dika, këshilltari I tij, prof. Demush Bajrami, në ceremoninë e hapjes së turneut memorial ndërkombëtar në futboll të vogël “Arbën Xhaferi”, që po mbahet për herë të dytë nga departamenti i Sportit i Universitetit të Evropës Juglindore në Tetovë. Duhet theksuar se turneu organizohet në kuadër të aktiviteteve për shënimin e 13 vjetorit të themelimit të këtij institucioni të arsimit të lartë në
Këtë vit në këtë manifestim sportiv marrin pjesë ekipet e futbollit të vogël të Kosovës, reprezentacioni i shqiptarëve të Maqedonisë, KF Shkëndija dhe ekipi nikoqir “SEE University”.