Login

Anëtarët e stafit duhet të përdorin llogarinë e tyre Webmail për identifikim.

Universiteti i Evropës Juglindore
jetëso dijen tënde!



U mbajtën garat në recitim të veprave të Shekspirit

Nxënës të shkollave të mesme nga Maqedonia dhe Lugina e Preshevës, treguan talentin e tyre të shkëlqyeshëm, në Garat në recitim të veprave të Shekspirit, që u mbajtën të premten (22 prill), në organizim të Katedrës së gjuhës angleze të Fakultetit të Gjuhëve, Kulturave dhe Komunikimit.

Garën solemnisht të hapur e shpalli kryetari i Bordit të UEJL-së, Prof. Dr. Denis Farington, i cili u shpreh i kënaqur me cilësinë e lartë të nxënësve garues. Presidenti Farington ndau çmimet për fituesit.

Lufta ishte e ashpër, kurse komisioni e kishte shumë të vështirë të shpallë fituesit, pasi dallimi mes tyre ishte vetëm në nuanca.

Vendin e parë në këto gara e zuri Antonio Burevski, nga Gjimnazi “Gostivar”, nga Gostivari, në vendin e dytë u radhit Lirza Emini, nga Shkolla e Mesme e Mjekësisë e Tetovës dhe vendin e tretë e fitoi Emilija Georgievska, nga Shkolla e Mesme Ekonomike “8 Shtatori”, nga Tetova.

Të dalluar në këtë garë ishin edhe nxënësit: Simona Biskoska (Udro Uilson - Tetovë), Arbnora Miftari ( Gjimnazi “Kiril Pejçinoviq” – Tetovë), Arnen Telqiu (Gjimnazi “Zef Lush Marku”-Shkup), Halime Presheva ( Shkolla e Mesme Teknike – Preshevë) dhe Ema Bliznovska (Gjimnazi “Kiril Pejçinoviq”- Tetovë).

Tre vendet e para nga Universiteti u shpërblyen me të holla.



Më shumë lajme

Google+