Login

Anëtarët e stafit duhet të përdorin llogarinë e tyre Webmail për identifikim.

Universiteti i Evropës Juglindore
jetëso dijen tënde!



Me ngjitjen në malin Korab filluan aktivitetet për shënimin e 15 vjetorit të UEJL

Në kuadër të aktiviteteve për shënimin e 15 vjetorit të themelimit të UEJL, ditë më parë u bë ngjitja në majat e malit Korab. Korabi është një nga malet më të larta të Evropës Juglindore, me lartësi 2764 m, që shtrihet përgjatë kufirit të Shqipërisë dhe Maqedonisë. Pjesëtarë të Shoqatës së bjeshkatarëve të UEJL-së, të shoqëruar edhe nga rektori, Prof. Dr. Zamir Dika, përçuan simbolikën e këtij përvjetori me vendosjen e flamurit të Universitetit.

Vlen të theksohet se Universiteti i Evropës Juglindore në Tetovë, filloi punën më 20 nëntor të vitit 2001, ndonëse historiku i tij daton nga më herët - nga atëherë kur Komisioneri i lartë i OSBE-së, Shkëlqesia e tij, Max Van der Stoel, inicioi nevojën e përdorimit të gjuhës shqipe në arsimin e lartë në Republikën e Maqedonisë.

Financimi i ndërtimit të Universitetit, u realizua nga një numër i madh i donacioneve ndërkombëtare, ku mund të veçohet pjesëmarrja e SHBA-ve, vendeve të BE-së, Këshillit të Evropës dhe vendeve të OSB-se.

Bazuar në sistemin arsimor, sipas Kartës Evropiane të Arsimit të Lartë (Sistemit të Bolonjës), UEJL ndjek modelin e studimeve të standardizuara në disa nivele: të ciklit të parë, të dytë dhe të tretë (3+2+3).



Më shumë lajme

Google+