Ministri i Jashtëm bullgar Nikolla Dimitrov: UEJL paraqet simbolikën se si duhet të duket Ballkani në të ardhmen

Ministri Mlladenov paraprakisht pati një takim me rektorin e UEJL, akademik Alajdin Abazi, me të cilin biseduan për bashkëpunimin e ndërsjellë. Rektori Abazi, tha se synimi i këtij universiteti është bashkëpunimi rajonal dhe se për këtë ekzistojnë shumë fusha me interes reciprok. Ministri Mlladenov në ligjëratën e tij foli për perspektivat e vendeve të    Ballkanit në integrimet euroatlantike.
“Kjo është vizita e ime e dytë në Tetovë dhe që nga atëherë kanë kaluar disa vite. Për herë të parë në  këtë qytet kam qenë në vitet 94-95, në kohën e cila ishte e mbushur me tensionime të ndryshme. Tani, shoh që shumë gjëra kanë ndryshuar për të mirë”, tha ministri i Jashtëm bullgar, Nikolla Mlladenov.
Para mbajtjes së ligjëratës, në korridorin kryesor të Fakultetit të Administrimit të Biznesit, ministri Mlladenov, e shpalli të hapur ekspozitën artistike “Traditat”. Ekspozita në fjalë paraqet një rast unik të koleksionit etnografik me foto të fotografit Aleksandar Mihaillov, që prezanton ritet e larmishme të kulturës bullgare. Fotografitë tregojnë momente nga ceremonitë e organizuara në malet përreth Detit të Zi, të realizuara nga shtetas bullgar me origjinë të ndryshme: të krishterë, mysliman, turq dhe rom.