Fakulteti i Shkencave Teknike në UEJL hapi Ekspozitën XII të Projekteve Studentore në Arkitekturë dhe Dizajn

Ekspozita përfshin një gamë të gjerë projektesh arkitektonike, koncepte të dizajnit të brendshëm, modele tredimensionale, vizualizime dhe punime kreative, të realizuara gjatë vitit akademik. Punimet pasqyrojnë qasje bashkëkohore në projektim, inovacion dhe zgjidhje të orientuara drejt nevojave të shoqërisë dhe zhvillimit të qëndrueshëm.

Përmes kësaj ekspozite, studentët patën mundësinë të prezantojnë rezultatet e punës së tyre akademike, kreativitetin dhe kompetencat profesionale të fituara gjatë studimeve, duke dëshmuar nivelin e lartë të përgatitjes së tyre dhe përkushtimin ndaj profesionit.

Ekspozita e Projekteve Studentore tashmë është shndërruar në një traditë të Fakultetit të Shkencave Teknike, duke krijuar një hapësirë të rëndësishme për promovimin e ideve inovative, shkëmbimin e përvojave dhe prezantimin e potencialit krijues të studentëve para komunitetit universitar dhe publikut.