Факултетот за технички науки при УЈИЕ ја отвори XII Изложба на студентски проекти во Архитектура и дизајн

Изложбата опфаќа широк спектар на архитектонски проекти, концепти за внатрешен дизајн, тридимензионални модели, визуелизации и креативни трудови, реализирани во текот на академската година. Трудовите одразуваат современи пристапи во проектирањето, иновации и решенија насочени кон потребите на општеството и одржливиот развој.

Преку оваа изложба, студентите имаа можност да ги претстават резултатите од својата академска работа, креативноста и професионалните компетенции стекнати за време на студиите, докажувајќи го високото ниво на нивната подготовка и посветеност на професијата.

Изложбата на студентски проекти веќе прерасна во традиција на Факултетот за технички науки, создавајќи значаен простор за промоција на иновативни идеи, размена на искуства и претставување на креативниот потенцијал на студентите пред универзитетската заедница и јавноста.