УЈИЕ донираше помош за семејствата погодени од катастрофалните поплави во скопскиот регион

Во оваа трагедија 22 лица ги изгубија своите животи и претрпеа огромни материјални штети на своите домови, земјоделските поседи и на бројните компании.Претставниците од УЈИЕ д-р Џеваир Мемеди, генерален секретар на Универзитетот и д-р Демуш Бајрами , советник на ректорот за комуникации и односи со јавност ја посетија населбата Сингелиќ во Скопје и беа информирани за тешката состојба на терен. На средбата со претставниците од Кризниот штаб во Основното училиште „25 Мај“, тие беа информирани за тешкотиите со кои се соочуваат при обидот за справување со состојбата по природната непогода.