Универзитетот на Југоисточна Европа домаќин на меѓународната конференција за поврзување на бизнисот со академијата

„Деловната заедница да се запознае со она што се предава на Универзитетот на Југоисточна Европа, а Универзитетот да дознае кои се потребите на пазарот на трудот.“, рече ректорот проф. д-р Замир Дика, кој имаше пригодна реч на отворањето на конференцијата.

На конференцијата беа презентирани и истражувачки трудови од меѓународни професори и од професори од земјава. Целта е да се поврзе стопанството со тие што се директно вклучени во практиката од академскиот дел, професорите и студентите за да можат да имаат подобри релации и соработка во иднина.

Сите трудови од конференцијата ќе се објавуваат, се со цел од неа да произлезе добар придонес за општеството.