Бизнис- форум: Расте трендот на заминување на младите и квалификувани кадри од земјава

„За да се намали бројката на млади и квалификувани кадри кои ја напуштаат државата потребно е компаниите да ги стимулираат вработените со таканаречените надворешни но и внатрешни фактори“, истакна деканот на Факултетот за бизнис и економија, проф. д-р Изет Зеќири.

На форумот беше истакнато дека домашните компании воопшто не се конкурентни со фирмите од западно- европските земји. Академик Абдулменаф Беџети проблемот го гледа во менаџерите на компаниите, кои се клучни за развојот на компаниите во Македонија, и „затоа и вработените одлучуваат да заминат во странство и да напредуваат во поуспешни компании“.

На бизнис форумот дел од сопствениците на фирми, презентираа проекти кои во соработка со универзитетите но и со стопанските комори во земјава, имаат за цел да ги мотивираат вработените да останат и понатака да работат во нивните компании и да напредуваат во својата професија.