Explore Campus 360°
„Се сеќаваме на професорката Емине од многу аспекти, од трагите што таа ги остави во позитивна смисла, но јас ќе се осврнам на два или три аспекти од животот што секој од нас го прави специфичен. Се сеќаваме на покојната професорка по нејзиниот академски интегритет, академскиот придонес и пред се човечкиот елемент што го поседуваше. Професорката Емине почина на релативно млада возраст, на возраст кога очекувавме најмногу од неа како институционално семејство, како Универзитет воопшто и Правен факултет особено. Би сакал да споделам со вас момент од нашата заедничка работа, која беше изготвување на Статутот на Универзитетот, по измените на Законот за високо образование во 2018 година. Таа беше лидер во дизајнот и концепцијата на Статутот на УЈИЕ, за структуирањето на кое сите сме горди. Благодарение на нејзината работа и пред сѐ, благодарение на нејзиното конкретно искуство во изготвување правни документи, нашиот Статус во соодветните владини тела помина со само неколку помали забелешки. Прашањето за академскиот интегритет е изразено и ценето подобро од било кој друг само од студентите, затоа денес имаме многу студенти, кои дури и на социјалните мрежи со задоволство го одбележуваат нејзиниот интелектуален и професионален придонес “, рече меѓу другото во своето обраќање акад .проф. д-р Адилменаф Беџети, ректор на Универзитетот на Југоисточна Европа.
Деканот на Правниот факултет, проф. д -р Аднан Јашари, со евоцирање на спомените, го изрази своето длабоко жалење и тага поради раното заминување од овој свет на професорката Емине.
„Тоа е многу болен момент да се збогуваме за последен пат со професорката Емине, која даде многу за Правниот факултет, УЈИЕ и воопшто за високото образование. Професорката Емине и јас бевме иста генерација за време на студиите во Приштина. Во тоа време како студент, таа беше одличен пример. Пред сѐ, таа беше комуникативна, хумана, правеше се за да им помогне на сите ученици без исклучок. На Правниот факултет, таа беше вклучена од самиот почеток, како асистент, професор, декан, член на Сенатот и неодамна како координатор .
Нагип Зендели, сопруг на покојната професорка Емине Зендели, се заблагодари на вработените на Универзитетот за организирање на оваа комеморација и го изрази вниманието што професорката Емине го имаше за Универзитетот и студентите особено.
„Ја пренесувам нејзината порака до вработените на Универзитетот, која требаше да ја негува оваа лулка на образованието. Можам да ви кажам дека сите ве сакаше многу, особено студентките, кои многу ги поддржуваше поради предрасудите со кои се соочуваат “, рече г. Зендели.
Вработените и членовите од потесното семејство на професорката Емине присуствуваа на комеморативната седница.