Ректорот Беџети учествуваше на конференцијата за технолошки развој и иновации во индустријата организирана од Кабинетот на претседателот на РСМ

Ректорот на Универзитетот на Југоисточна Европа, акад. проф. д-р Абдулменаф Беџети денес (25.04.2023 год.) учествуваше на научно-технолошката конференција на тема „Технолошкиот развој и иновациите во индустријата“, што ја организираше Кабинетот на Претседателот на Република Северна Македонија, Стево Пендаровски во соработка со @macedonia2025.

Во рамките на конференцијата беа одржани две панел - дискусии на теми „Растот на бизнисите преку инвестиции во научно-технолошки развој и иновации - улогата на државата“ и „Поврзување на бизнисите со иновациите и технолошкиот развој преку образование и образовни политики“.