Успешна приказна на УЈИЕ во 20. годишната понуда на италијанскиот јазик и култура

Во рамки на трибината на тема: „Италијанскиот јазик и националниот образовен систем – искуства и успешни приказни“, ректорот на Универзитетот на Југоисточна Европа, акад. проф. д-р Абдулменаф Беџети, во улога на панел учесник, зборуваше на тема „Италијанскиот јазик како изборен странски јазик во високообразовните институции во Северна Македонија“.

„Универзитетот на Југоисточна Европа е многу успешна приказна во 20. годишната понуда на италијанскиот јазик и култура во Северна Македонија“, истакна меѓу другото ректорот Беџети.

Конференцијата се одржа под централна тема „Јазик на многу можности“, а на средбата учествуваа италијанскиот амбасадор во Северна Македонија, Андреа Силвестери, македонскиот министер за образование и наука, Јетон Шаќири и министерката за култура, Бисерка Костадиновска – Стојчевска.