Над 60 компании учествуваа на Саемот за кариера што се одржа во УЈИЕ

Настанот го отвори, акад. проф. д-р Абдулменаф Беџети, кој им се заблагодари на учесниците, особено на компаниите за интересот и на студентите за учеството.

„УЈИЕ секоја година подготвува извештај за вработување кој се испраќа до сите институции во државата, практика што не ја применува ниту еден друг универзитет во земјава, но и во регионов. Според овој извештај, 65% од дипломираните студенти, во период од 6 месеци по дипломирањето, се вработени, а ако на оваа бројка се додадат околу 20% од оние кои доброволно не бараат работа, бидејќи имаат различни цели за кариерата, тогаш вработувањето на нашите дипломирани студенти достигнува до 83%. Она што е многу важно и што го издвојува Универзитетот е тоа што околу 70% од вкупниот број вработените се вработени во приватниот сектор“, нагласи ректорот Беџети.

Саемот за кариера се одржува 16. пат и е одлична можност за студентите да се сретнат со потенцијалните работодавци, да разговараат за можностите за вработување, да работат како стажанти и да разговараат за соодветноста на квалификациите и нивните вештини со барањата на пазарот на трудот или компанијата за која се интересираат.