Ректорот на Универзитетот на Југоисточна Европа, акад. проф. д-р Абдулменаф Беџети денеска (08.06.2023 год.) оствари средба со вицепремиерот за европски прашања во Владата на Северна Македонија, Бојан Маричиќ. Целта на средбата беше да се продлабочи соработката за да се обезбеди рамка која ќе биде вклучена во капацитетот на експертите во процесот на членство на Северна Македонија во Европската Унија.
Универзитетот на Југоисточна Европа како етаблирана образовна институција ја поседува потребната експертиза и може конкретно да придонесе во многу фази од интеграцијата на земјата во ЕУ, нагласи ректорот Беџети.
Двете страни се согласија дека во оваа фаза од разговорите има потреба од конкретни рамки и дека вклучувањето на универзитетите е од особено значење за непречено одвивање на процесот.
Explore Campus 360°