Проф. д-р Муртезан Исмаили и проф. д-р Јонуз Абдулаи на Регионалната конференција на тема “Промоција на моделите на работа кои придонесуваат кон градење на младинската политика во регионот”

Учесници на панелот беа проф. д-р Муртезан Исмаили и проф. д-р Јонуз Абдулаи од Универзитетот на Југоисточна Европа во Тетово, кои, меѓу другото изјавија дека "присуството на претставниците од Република Македонија, Република Косово, Р. Словенија, Р. Србија, Р. Црна Гора и Р. Босна и Херцеговина како и самата природа на оваа Конференција покажува дека е насочена да придонесе за перспективите на младите од земјите на Западен Балкан како и да ги забрза чекорите за интеграција во Европската унија".

Главниот акцент на оваа регионална конференција беше подигнувањето на свесноста за употребата на успешни модели на работа за иницирање позитивни промени на ниво на младински политики за да се придонесе за успешни евроинтеграции на земјите од Западен Балкан.