Ректорот Беџети и новоизбраниот ректор Ибраими во посета на Универзитетот „Мајка Тереза“

Ректорот Беџети и идниот ректор Ибраими му ја упатија најискрената честитка на проф. д-р Фетаи по повод неговото именување за ректор на УМТ, посакувајќи му многу успех во водењето на институцијата.
Една од клучните точки на средбата беше дискусијата за потребата од поструктурирана и поефикасна соработка помеѓу албанските универзитети во Северна Македонија, со цел оптимизирање на високото образование на албански јазик во земјата. Во овој контекст, ректорот Беџети повторно го потенцираше својот стратешки предлог-проект изработен пред шест години и доставен до надлежните органи, кој има за цел сеопфатен пристап кон консолидација и афирмација на високото образование на албански јазик.
Двете страни ја оценија средбата како значаен чекор кон интензивирање на меѓууниверзитетската соработка, нагласувајќи ја важноста на координирањето на напорите за унапредување на квалитетот на високото образование и развојот на знаењето во служба на младите генерации.