CELTA курсот што го нуди Јазичниот центар станува признаена квалификација за предавање англиски во основните училишта

На 28 април 2010 година, Министерот за образование и наука, Никола Тодоров и директорот на Британскиот Совет Македонија, Лес Дејнџерфилд, потпишаа меморандум за соработка за подобрување на наставата по англиски јазик и обучувањето на наставниците и професорите. Со овој меморандум, CELTA се признава како соодветна квалификација за предавање англиски јазик во основниот образовен циклус во Репубплика Македонија. На овој начин, CELTA центарот, кој функционира во склоп на Јазичниот центар при Универзитетот на Југоисточна Европа како единствен одобрен центар за обука во Македонија, ќе придонесе за подобрување на наставната дејност по англиски јазик во земјата и регионот.