Login

Членовите на универзитетскиот кадар треба да ја употребат нивната Webmail сметка за да се најават на системот.

Универзитет на Југоисточна Европа
оживеј го знаењето!



Јавна дебата во рамки на програмата British Parliamentary Debate

Во рамки на успешното завршување на програмата British Parliamentary Debate, ќе се организира јавна дебата помеѓу два конкурентни студентски тима, кои ќе дебатираат на темата: „Ова Собрание би вовело младински квоти во Парламентот“, според форматот на британската парламентарна дебата.

Овој настан се реализира во рамки на соработката на Универзитетот на Југоисточна Европа со Westminster Foundation for Democracy и Youth Educational Forum, врз основа на потпишаниот трипартитен меморандум за соработка меѓу институциите.

Во текот на овој семестар, во рамки на програмата, проф. д-р Албана Метај-Стојанова и проф. д-р Фјола Капроли Исмаили реализираа циклус од десет менторски предавања, преку кои студентите беа обучени за форматот British Parliamentary Debate, како еден од најзначајните алати за развој на критичко размислување, јавно говорење и структурирано аргументирање.

Јавната дебата ќе се одржи на 29 јануари 2026 година, со почеток во 13:00 часот, во BDC. Универзитетот ги поканува студентите и сите заинтересирани да присуствуваат на овој академски и едукативен настан.



Повеќе вести

Google+