Делегација на ИНОВА го посети Универзитетот на Југоисточна Европа и Технолошкиот парк

Делегацијата на ИНОВА, предводена од директорката Даниела Димовска, оствари средба со ректорот на Универзитетот на Југоисточна Европа, проф. д-р Садудин Ибраими. На средбата се разговараше за значењето на меѓу институционалната соработка во областа на иновациите, технолошкиот развој и поддршката на претприемачкиот екосистем.

Во рамките на посетата, членовите на делегацијата одблиску се запознаа со активностите и капацитетите на Бизнис иновејшн центр (Business Innovation Center) и на Технолошкиот парк при УЈИЕ, како и со проектите и иницијативите што Универзитетот ги развива во насока на дигиталната трансформација и академските иновации.

Исто така, беше презентирана работата на Институтот „Макс ван дер Штул“ (Max van der Stoel), со посебен акцент на научно-истражувачките активности и меѓународните проекти што се реализираат во рамките на овој институт.

Посетата заврши со прошетка низ универзитетскиот кампус, при што делегацијата имаше можност одблиску да се запознае со современата инфраструктура и академската средина на УЈИЕ.