Лулзиме Камбери учествуваше на Петтата конференција на студентите по докторатура на Југоисточна Европа од 13-14 септември 2010 година

Лулзиме Камбери учествуваше на Петтата конференција на студентите по докторатура на Југоисточна Европа - “Поттикнување истражување и знаење во Југоисточна Европа”од 13-14 септември 2010 година. Таа го презентираше трудот со наслов “ Значењето на пишувањето дневник при изучување странски јазик на универзитетско ниво” кој е објавен во апстрактот на конференцијата.
Конференцијата е организирана од Центарот за истражувања на Југоисточна Европа, кој е меѓународен, мултидисциплинарен, непрофитен центар со седиште во Солун, Грција. Центарот е формиран заеднички од Универзитетот во Шефилд (Велика Британија) и Сити Колеџот од Грција. Мисијата на овој центар е да го поддржи мирниот развој на Југоисточна Европа олеснувајќи ја соработката помеѓу истражувачкиот кадар притоа развивајќи мултидисциплинарни мрежи на истражувачите од цела Југоисточна Европа.