Компанијата ASSECO додели 34 сертификати за студентите на Факултетот за современи науки и технологии

„Ова е најубавиот Универзитетски кампус, не само во Македонија туку и во регионов и пошироко“, рече министерот за информатика на Република Македонија Иво Ивановски. Ова беа коментарите кои тој ги даде за време на церемонијата за доделување на 34 сертификати за специјалистичка обука по е-банкарство за студентите од Факултетот за современи науки и технологии, која се одржа во средата (20 октомври 2010 год.). Церемонијата беше организирана од водечката компанија за информациски и комуникациски технологии - ASSECO во соработка со ЈИЕ Универзитетот. Министерот Ивановски рече дека овој Универзитет претставува пример за достигнување на европските стандарди. Ректорот на Универзитетот, проф. д-р Замир Дика, рече дека овој настан го претставува триаголникот за соработка помеѓу Универзитетот, приватниот и јавниот сектор. „Овие сертификати нашите студенти ќе ги употребуваат за време на нивното вработување“, рече ректорот Дика. Деканот на Факултетот за современи науки и технологии проф. д-р Беким Фетаји и директорот на компанијата ASSECO за Македонија Славчо Ангелковски им доделија сертификати на студентите. Ректорот на ЈИЕУ проф. д-р Замир Дика и министерот Ивановски после церемонијата имаа прошетка по Универзитетскиот Кампус со цел подетално да се запознаат со работата на оваа позната високообразовна институција.