Започна новата академска година за студентите од вториот циклус на студии

Во ЈИЕУ во четвртокот (21 октомври 2010 година), се одржа ориентациониот ден и во пригодна церемонија започна новата академска година за студентите од вториот циклус на студии во двата универзитетски кампуси во Тетово и во Скопје. Пригоден говор пред студентите во Центарот во Скопје одржа ректорот на ЈИЕУ, проф. д-р. Замир Дика, кој им честита на студентите за изборот кој го направиле за да студираат во ЈИЕУ. „Студирањето во ЈИЕУ подразбира динамични студии, усогласени и интерактивни во рамките на нашите универзитетски кампуси во Тетово и во Скопје, при тоа обезбедувајќи оптимални услови за сите. Сите ќе имаат можност да размислуваат за она што го научиле во текот на своите студии и да ги применуваат теоретските знаења во практика. Убеден сум дека по завршувањето на студиите ќе ги покажете своите афинитети, знаења и професионална одговорност “, рече ректорот Дика. Во универзитетскиот кампус во Тетово добредојде на студентите во вториот циклус на студии им посака проректорот (провост) за академски прашања, проф. д-р Пол Фостер. „Да се биде студент значи да се има одредени права и одговорности. Ние, административниот и академскиот кадар ветуваме дека на прво место ќе бидат вашите интереси и дека ќе ви понудиме квалитетни сервиси и академски програми Вие од друга страна, мора да ни ветите дека ќе бидете искрени, свесни и трудољубиви студенти- редовно ќе ги посетувате часовите, активно ќе учествувате на предавањата и над се ќе бидете отворени кон светот на нови знаења и идеи“ рече заменик-ректорот Фостер.Студентите на магистерски студии имаа можност да се информираат за разните сервиси кои ги нуди Универзитетот за поддршка во текот на нивните студии.