Презентација на Германската академска служба за размена (DAAD) за студентите и вработените во Универзитетот на Југоисточна Европа

За време на оваа презентација, г-ѓа Петра Чагалј Сејди и г-ѓа Марија Томова ги објаснија различните шеми на можности за стипендии за студентите и за вработените на УЈИЕ кои сакаат да студираат или да специјализираат во германските универзитети и училишта.
Тие накусо ги презентираа стипендиите за магистерски студии и за докторски истражувања, вклучувајќи и различни стипендии за летни школи и за курсеви по јазик кои се нудат од DAAD и од Институтот Отворено Општество (ИОО).

УЈИЕ ќе продолжи да биде домаќин на настани кои носат можности од фондации, здруженија и институти кои на студентите и на вработените им нудат можности за студирање или специјализирање во странство со цел да ги прошират своите знаења и да бидат дел од академскиот свет во движење.