Линда Зибери присуствуваше на Лондонскиот меѓународен конгрес за човекови права 2011 „Имиграција и интеграција во ерата на рестрикции: Предизвици и можности“.

Лондонскиот меѓународен конгрес за човекови права е меѓународна конференција која се организира од Институтот за култура и дипломатија со седиште во Берлин, Германија, во соработка со Словенечката демократска партија и со водечки организации, како што се престижната адвокатска фирма Лехман & Воткинс (Lehman & Watkins) во Лондон, Универзитетот Голдсмит (Goldsmith University) во Лондон и многу други.

Целта на Конференцијата беше примената на човековите права со посебен фокус на мултикултурализмот во ЕУ, како што се имиграцијата и интеграцијата на малцинствата. Во рамките на Програмата беа организирани предавања, семинари, дебати и трибини од еминентни личности од меѓународната политика и дипломатија, од академијата, од граѓанското општество и од приватниот сектор. Трудот на Линда Зибери ќе биде објавен на веб-сајтот на ICD како дел на Конференцијата.