УЈИЕ организираше конференција за кризата со бегалците

„Иако кризата со бегалците е резултат на меѓународниот конфликт во регионот на Среден исток таа ја активираше европската свесност и веднаш потоа оваа криза ги присили различните држави да ја следат германската политика на „Отворени врати“. Иако оваа политика не беше секогаш разбрана од одредени влади, таа секако ги поттикна и забрза дипломатските делувања за поефикасно управување на оваа криза“, рече ректорот на УЈИЕ, проф. д-р Замир Дика. Тој додаде дека постои мотивација и чувство на солидарност тука кое е резултат на нашата традиција на гостопримство, кога ние како нација бевме обврзани да ги прифатиме бегалците од другите делови на регионов.

Полскиот амбасадор во Македонија рече дека е задоволен од соработката на оваа Амбасада со Универзитетот за што сведочи и оваа конференција и други активности кои се очекува да се организираат во иднина.

Директорот на Институтот „Макс ван дер Штул“ проф. д-р Ветон Латифи рече дека не случајно ја избрал оваа тема и дека ја имаат земено предвид релевантноста и обемот со кој оваа криза влијае врз целокупниот развој на регионов и пошироко.

На конференцијата присуствуваа истражувачи и експерти од оваа област, имено Адам Балчер од Полска, Сузана Салиу (Центар за управување со кризи), Грида Дума (Универзитет во Тирана) , Бернд Бурвиц( ГИЗ) и професори од УЈИЕ, Универзитетот во Тирана и Универзитетот „св. Кирил и Методиј“.