Одборот на Универзитетот

Клаус Тохтерман дипломираше и докторираше компјутерски науки на Универзитетот Дортмунд (Германија). По добивање на постдокторатот на Универзитетот А & М во Тексас во САД, се преселил во Австрија во 2000 година. Од 2000 до 2010 година бил директор на водечкиот истражувачки институт во Австрија за управување со знаење, Ноу-центар. Во 2006 година беше назначен за редовен професор по компјутерски науки на Технолошкиот универзитет во Грац. Од 2010 година е директор на Информативниот центар за економија (ZBW) во Лајбниц во Киел и во Хамбург, Германија). Тој e редовен професор за инфраструктури за дигитални информации на Катедрата за компјутерски науки на Универзитетот Киел (Албхехт-Килх) (Германија). Под негово раководство ZBW ја доби меѓународната награда ЛИБЕР за иновации во библиотеката во 2011, 2012 и во 2013 година. Во 2014 година ZBW беше награден со „Библиотека на годината во Германија“. Клаус Тотерман повеќепати држел предавања како визитинг професор како гостин во странство, на Универзитетот во Сент Гален (Швајцарија) и на УИТМ во Куала Лумпур (Малезија). Тој е член на бројни национални и меѓународни научни стручни комитети.

Предавач во Џонс Хопкинс SAIS, Едвард П. Џозеф работел на терен во сите регионални воени конфликти: низ Босна и Херцеговина, Хрватска, Косово и Северна Македонија. Во јули 1995 година, истовремено со колапсот на „безбедната област“ во Сребреница, Едвард и еден колега од ОН ја координираа евакуацијата на соседна Жепа. Едвард сведочеше во два случаи на Хашкиот трибунал за неговите интеракции со Ратко Младиќ и други виши српски команданти. Во април 2012 година, како заменик-шеф на мисијата на ОБСЕ, Едвард преговараше за првиот значаен пост- воен договор меѓу Косово и Србија: условите за одржување српски национални избори во независно Косово.
Во 2023 година, Едвард ја доби „Мостарската награда за мир“ за неговата воена и пост-воена служба. Уредниците на „Фореин Афеарс“ го избраа неговиот напис „Балканот, прекинат“ за „Најдобар на годината“. Два неодамнешни трудови на SAIS Review претставуваат оригинални идеи за надминување на пат-позицијата меѓу: Косово и Србија; и Северна Македонија и Бугарија.
Едвард, поранешен пилот на хеликоптер на американската армија бил распореден со НАТО/ИФОР во Босна и Херцеговина, добивајќи Медал за пофалба за заедничка служба. Едвард завршил додипломски и магистерски студии на Универзитетот Џон Хопкинс, и тригодишни докторски правни студии од Правната школа на Универзитетот во Вирџинија. Зборува хрватски / српски.

Проф. д-р Вели Креци долг период во кариерата пред да се приклучи на Универзитетот во Југоисточна Европа, тој беше помошник директор на Центарот за постдипломски студии за јавна политика и управување, проект на Факултетот за јавни и меѓународни работи Питсбург, во Северна Македонија. . Д-р Креци беше продекан за постдипломски студии на Факултетот за современи општествени науки, на Универзитетот во Југоисточна Европа. Тој тековно е директор на Институтот за истражување „Макс ван дер Штул“ и е вонреден професор во областа на јавната политика на Универзитетот на Југоисточна Европа. Во 2019 година тој беше насловен професор на Универзитетот Сиетл, В.А. Сиетл.
Д-р Креци докторирал политички науки на Универзитетот во Југоисточна Европа, магистрирал на јавни и меѓународни работи на Универзитетот во Питсбург и завршил додипломски студии по политички науки на Универзитетот во Истанбул. Тој беше научен соработник на Универзитетот во Питсбург, ГСПИА во 2009 година и постдокторски соработник на Фулбрајт на Институтот за меѓународни студии во Мидлбери во Монтереј, 2013-2014. Д-р Креци е водечки истражувач и координатор на неколку национални и меѓународни академски истражувачки проекти.

Д-р Висар Шеху магистрирал компјутерски науки на Универзитетот во Индијана во Пердју во Индијанаполис и докторирал на Универзитетот на Југоисточна Европа. Тој е член на Факултетот на современи науки и технологии (ФСНТ) на УЈИЕ од 2006 година, тековно работи како вонреден професор. Од 2016 година е координатор за истражување и мобилност на одделот за СНТ. Тој е автор на многу научни написи од својата област и управувал со истражувачки проекти од областа на анализа на податоци и СТЕМ образование. Висар активно е вклучен во воспоставување силна соработка помеѓу стопанството и академијата. Во овој капацитет, тој е основач на две компании за развој на софтвер кои успешно работат меѓународно со канцеларии во Северна Македонија, Косово, САД и во Швајцарија. Висар е назначен за член на Одборот во 2020 година.

Елмедина Абдулахи е успешен виш библиотекар со голема експертиза во управувањето со библиотеките и културното застапување. Од 2019 година работи како раководител на библиотеката „Макс ван дер Штул“ на Универзитетот на Југоисточна Европа во Тетово, Северна Македонија. Нејзиното академско патување вклучува магистерски студии по јавна администрација на истиот универзитет и диплома по етнологија на Универзитетот „св. Кирил и Методиј“ во Скопје. Кариерата на Елмедина вклучува проактивен ангажман на професионални форуми и меѓународни конференции низ САД и Европа, унапредувајќи ги нејзините вештини во библиотечните науки и културното наследство. Таа е лиценциран библиотекар од Националната универзитетска библиотека „Св. Климент Охридски“ во Скопје и Универзитетот CNRS Luminy во Марсеј, Франција.
Како признание за нејзиниот придонес, Елмедина има добиено награди како што се „Библиотекарка на годината“ во 2022 година и „Библиотека на годината 2020“. Нејзиното лидерство се протега надвор од академските кругови, каде што активно го промовира развојот на заедницата и застапувањето за животната средина преку нејзината вклученост во различни невладини организации. Во 2024 година, Елмедина беше номинирана за „Европска жена на годината“ од Делегацијата на Европската унија во Скопје, нагласувајќи го нејзиното влијание и во професионалната и во општествената сфера. Таа продолжува да игра клучна улога во воспоставувањето и поддршката на библиотечните иницијативи низ целиов регион, придонесувајќи за унапредување на културните и на образовните ресурси.

Соња Топузовска дипломирала, магистрирала и докторирала на Универзитетот „Св. Кирил и Методиј“, Медицинскиот факултет во Скопје, Р.С. Македонија. Од 2013 година е редовен професор по медицинска биохемија на Универзитетот „Св. Кирил и Методиј“ на Медицинскиот факултет во Скопје. Тековно е проректор за настава на Универзитетот „Св. Кирил и Методиј“ Скопје. Од 2008 година до денес е член и претседател на повеќе комисии и тела на Медицинскиот факултет кои учествуваат во подготовката на актите на Медицинскиот факултет. Од 2009 до 2013 година била член на Комисијата за финансии на Универзитетот „Св. Кирил и Методиј“ во Скопје. Од 2014 до 2016 година беше претседател на Комисијата за само-евалуација на Универзитетот, а од 2009 година до денес е член и тековно претседател на Стручниот совет за докторски студии на Универзитетот. Таа е специјалист по медицинска биохемија и нејзиниот истражувачки интерес е од областа на медицинската и клиничката биохемија. Таа е член на повеќе професионални национални и меѓународни асоцијации. Во 2019 година, Македонското лекарско друштво и го додели највисокото признание за постигнати резултати во професијата, здравството и работата – Повелбата Трифун Пановски.
Двапати била продекан за настава (2009-2016), а од 2016 до 2023 година во два мандата била декан на Медицинскиот факултет на Универзитетот „Св. Кирил и Методиј“ во Скопје. Во тој период таа значајно придонесе за развојот и унапредувањето на наставната, научно- истражувачката, здравствената и апликативната дејност на Факултетот.

Г. Глигор Бишев е претседател на Фискалниот совет на Северна Македонија, член на Надзорниот одбор на Шпаркасе банка Скопје и член на Надзорниот одбор на Finance Think Tank. Дипломирал и одбранил докторат на Економскиот факултет во Скопје на насоката монетарна економија и банкарство. Бил на истражувачки студии, посети и курсеви за обука во Виенскиот институт за меѓународни компаративни студии, Лондонската школа за економија и политички науки, Институтот на ММФ, Банката на Англија, Австриската централна банка, Централната банка на Франција и Швајцарија. Тој ја започна својата кариера како централен банкар, станувајќи заменик-гувернер и заменик-претседател на Советот на Народната банка на Северна Македонија. Работел како комерцијален банкар: извршен директор и претседател на Управниот одбор на Стопанска банка Скопје и Шпаркасе банка Скопје.
Тој беше дел од тимот што ја креираше македонската валута, програмите за стабилизација, реформите во финансискиот сектор, рехабилитацијата на банкарскиот сектор, воспоставувањето и имплементирањето на макропрудентните и супервизорските стандарди, управувањето со банкарските ризици, издавањето еврообврзници на меѓународните финансиски пазари.
Г. Бишев долги години предава на Економскиот факултет во Прилеп и на постдипломски студии на Економскиот факултет во Скопје. Бил претседател на Здружението на банкарство на Северна Македонија, потпретседател на Стопанската комора на Македонија, член на деловниот советодавен одбор на Економскиот факултет во Љубљана, член на бизнис советодавниот одбор на Американ колеџ, копретседател на Втората работна маса на Европскиот пакт за стабилност, член на меѓународната истражувачка мрежа на Виенскиот институт за меѓународни компаративни студии и надворешен советник на петте премиери на Владата на Северна Македонија. Тој објавил 380 научни студии, анализи, трудови во научни и стручни списанија во земјава и во странство. Тој беше член на експертскиот тим кој ја подготви Националната стратегија за економски развој на Северна Македонија за периодот 2024 – 2044 година.